唔知係咪因為未瞓醒呢?今朝落車之後本來諗住上石級,點知叉錯腳跌親,唔止𠝹爛條牛仔褲,2個膝頭哥都擦損埋(仲有少少瘀咗)之後就1路行1路痛,行到拐吓拐吓,每次企起身同上落樓梯都勁痛,簡直係攞我命P.S.原來我唔小心撞親隻手...

今日係旅行最後1日,有半日自由活動時間!所以搭捷運去淡水,原來捷運車廂仲闊過地鐵,而且用膠幣取代地鐵飛,又冇地鐵咁迫wo!首先去咗漁人碼頭,嗰度D風景好靚,仲有條橋叫情人橋!我見到有長雪糕賣,就好似小朋友咁即刻跑去買,不過D雪糕似冰多D law,仲冇脆筒tim,好失望呀之後就搭公車(巴士)去淡水老街,喺車上面有個燈箱寫住"下站落車","謝謝惠顧","{向左 注意!轉彎 向右}",同"注意煞車",好搞笑呀,最衰冇機會影低啦老街嗰度有好多手信賣,但我已經買咗,所以就冇再買喇,原來lee度d雪糕先有脆筒ga,咁就買咗1杯,點知行行吓又見到第2間d雪糕有好多唔同口味,唔制呀行完就搭捷運+的士番酒店!桃園機場個food court只有2間鋪,1間係Burger King,另1間係餐廳,但間餐廳好得law,7點幾已經買晒D飯,好多麵都買晒,只係得牛肉麵同切仔麵食完就上去離境大堂嗰層,因為第1日見識過D人做嘢有幾咁快之後就寧願早D入禁區,點知竟然冇人排隊wo!因為好少飛機同1時間起飛,所以...算...早D去閘口坐,等夠鐘上機,番HK架機比去台灣嗰架細隻,但係有個電視機可以睇戲同聽歌,仲可以打機,今次搭飛機雖然有經過D唔穩定嘅氣流,但係就冇頭痛,而且個機師揸得架機好穩定呀,起飛同降落都唔係好震咋其實成個trip最開心嘅係冇落雨,因為出發之前check過話台灣會落大雨同有雷暴,不單止冇落雨,仲連續幾日都出太陽tim

今日去忠烈祠同中正記念堂(自由廣場),又去咗圓山大飯店,嗰度D裝修好有中國特色ga,仲有2隻代表健康同財富嘅獅子,我梗係有伸手摸吓佢哋啦lunch係食蒙古烤肉,但係唔駛自己燒嘅,choose好配料就會有人幫我燒ga la最無聊嘅活動係去賣靈芝,玉,同茶嘅地方,嗰度D嘢勁貴law之後去咗龍山寺同華西街,嗰度有日本D街嘅feel,但係條街好短之餘又冇嘢買wo,所以好快就行晒!跟住去西門町,嗰日有好多boutique,要買衫就啱行嘅,不過我冇諗住買衫,行咗一陣就去咗士林夜市!唔知係咪lunch食得好飽,所以唔算好肚餓,只係飲咗珍珠奶茶,食咗魯肉飯同豬血(豬紅)湯咋!D嘢食好好味呀又喺嗰度買咗D手信,係D用得著嘅嘢,但係我諗收到嘅人未必捨得用

今日去咗故宮博物館同珍珠推廣中心,因為對lee D冇興趣,所以聽完我就出番嚟喇!之後去咗九份,嗰度真係好多嘢買同好多嘢食,我食咗牛肉麵,粉圓,阿婆魚丸,烤魷魚同埋烤螺,好好味呀我就順便買埋手信!又去野柳睇女皇頭,嗰度真係好大風呀睇完就買咗紫菜!跟住去北投浸溫泉,但係好無奈law,露天D水似泳池水law,都係室內個D熱好多,浸都浸得舒服D啦!而且2個溫泉唔係喺同一層ga,所以要著住泳衣搭𨋢,但又好怕比人望住,好尷尬呀浸嗰陣好舒服呀,仲成個身都好熱,又出汗,不過出吓汗都係好嘅

今日去旅行,但尋晚竟然瞓唔著wo,只係瞓咗2個幾鐘咋,仲要飲咗杯紅酒都要4點幾先有得瞓呀原來台證唔係好似一般簽證咁貼喺本passport度,而係夾喺passport ga咋!唔知係咪唔夠瞓嘅關係呢?由飛機起飛至著陸前,我個頭都勁痛,連飛機餐(早餐)都冇咩胃口食呀係食咗幾粒糖先至好D咋,但食完又回復頭痛,飛機一著陸就即刻冇事wo首先去小人國,但同大陸嗰個差唔多law,所以用咗好少時間就睇晒lu!之後去六福村,我都有D奇怪點解第1日就去樂園玩ga,咪得好少時間玩law!點知真係,仲得2個鐘玩咋不過好在唔駛排隊,但只係玩咗4個機動遊戲嘅,咁啱跳樓機又維修wo,又玩少1個!我為咗爭取時間玩多D,暫時唔食嘢住,係玩晒先去買咗塊炸雞排食咋,但係又幾好味wo之後就去食dinner,D豆腐湯嘅味勁似麵豉湯呀跟住去咗深坑豆腐街,食咗有D辣嘅臭豆腐,但係lee度D臭豆腐冇臭味ga,而且D豆腐又滑wo跟住去咗台北101商場,初初幾期待ga,點知個商場勁多名店law,好無奈呀行咗15分鐘就行晒喇!唯一嘅好消息係3晚都住同1間飯店