今日係最沉悶嘅1日,夜晚去咗士林夜市行街&食嘢,見到d勁搞笑嘅T-shirt!之後再去西門町,我買咗lee個銀包比自己,買埋阿宗麵線做晚餐就番咗酒店...

今日去咗六福村,玩完個激流之後變咗濕水豬跟住去九份,今次係去到距離九份大約10分鐘嘅停車場落車,再搭巴士上九份,因為九份實在太多人喇,連旅遊巴都唔比上呀,不過咁都好嘅,我都係第1次搭巴士去九份夜晚就去咗西門町,食咗阿宗麵線,勁好味呀

今次唔駛好似上年咁咁早起身,架機飛12pm,但係咁就冇咗半日,不過有得搭無人駕駛列車去閘口去到台灣機場就要即刻攞泳衣,因為要去浸溫泉,lee個溫泉大過上年嗰個,我大部份時間都浸咗喺42度嘅池入面,其他嗰d都唔係好夠熱(我覺得)!不過夜晚就住咗喺1間哥爾夫球渡假村嘅酒店,我勁好瞓呀,唔知係咪因為太疲倦而又浸完溫泉嘅關係呢?

P.S.我去到台灣過紅外線探熱機嗰陣比人捉住叫我再探1次熱,check到我38度,佢就叫我去另1邊等1陣,我心諗"我都冇病,你唔係諗住遞解我出境ma..."等咗5分鐘佢再幫我探熱,探到我37.5度,佢叫我要留意下,我比佢嚇咗一跳我幾驚佢以為我發燒,要我隔離ga...

今日擦完牙之後突然間feel到好頭暈,我諗都係時候病ga la本來諗住番房休息吓,但係行緊嗰陣都行得唔穩,我番到房就失平衡坐咗喺地下,仲撞跌埋塊鏡,我就知自己已經撐唔住,咪番上床瞓law,我見到床單有血,但係我又唔知整損邊度wo

今日去咗食品嘉年華,今次食咗帶子,花膠火瞳素翅(真係有翅),泰式芒果雪條!仲買咗芒果糯米飯&迷你砵仔糕,我lee隻為食豬又有得食喇