今早一早就要起身，沖左個涼就九點幾就十點果陣，出門返舊校。
同班細路集合左就一齊出發。
出發果陣，聽阿ＳＩＲ講，我地會ＪＯＩＮ一個訓練班，好多活動都同個訓練班既人一齊做，不過我地就參與，人地就考野。
心諗，咪有女仔 XD
11點搭車出中環，之後行去碼頭搭船。
行去途中，有一模特兒係天橋度影相，幾靚女同埋幾後生，皮膚都...幾白 XD
搞到我地一眾男生都行慢左，有D仲企左係度。
最後作為領袖的我，趕班細路行之餘，自己又望多兩眼，哈哈。
之後上船，小睡左一陣。
到左長洲之後，我同埋D領袖就去左飲茶。
飲完，仲見到有人黎舞獅。
細個果陣，我好驚呢Ｄ野架，大個左之後，又唔覺得係咩一回事。
兩點集合返就行上營地。
嘩！真要命。
由碼頭 ----> 行過市集 -----> 再過兩個沙灘 ----->再上0.350km既山路 (絕對不是平路，不過都好只係行石屎路)
足足行左...起碼30分鐘。
上到個營地，已經氣喘，老啦，之前上黎都咩事都無，宜家唉...~
成身出晒汗。
之後三點同訓練班既人聽營地介紹，三點半入房。
(訓練班有九個女生，不過唔關我事。XD)
真慘，同一個領袖同九個細路一齊訓間十人房。
當然我同另一個領袖當然有床訓，最後要兩個人孖鋪。
之後其實都幾得閒，等到六點開飯。
之後食完，我就做我果個活動。
之後跟訓練班既一個活動，就係玩夜行。
夜行 ---- 就係要一個人行一段山路，大約二十至三十分鐘。
我係領袖，當然無份玩。
而我要做既係，係CHECK POINT位度企係度等班細路過。
當然，出發企之前，人地都同我地講，我地係奉旨嚇人。
我同我PARTNER就企兩邊，我就坐左係長椅度唔郁，佢就企係石後。
人一過，我就彈出黎。之後我PARTNER同時係石後出黎。
成晚到最後，只係嚇到一個人。
好玩！不過講真，一個人都唔好話唔驚架。
之後玩完都十一點啦，之後放班細路去沖涼，講多兩句。
十二點幾行落山，行長洲夜市，少不了食宵夜。
飲左個夜茶之後，掃左幾檔擺街邊既小食檔，就行返上山。
沖埋個涼，搞埋Ｄ野就訓Ｌｕ。
果陣已經係．．．３點半
第二朝要８點前起身．．．暈 |
