今日無咩事發生，都係咁啦。

不過呢幾日食多左野，個仔又變大了＝ｏ＝．．．

星期六日之後要食少點！

星期六日仲要睇波！食埋佢！吼！

打住咁多∼閃∼

呢個星期，真係咩事都發生。

尋日紅雨＋三號＝ｏ＝．．．變落湯雞。

今日．．．

用用下電腦感覺到地震。

有人話要感應力強先感覺到，我係其中一個感覺到既幸運兒　ＸＤ

個FEEL怪怪的，唔知點形容。

你今晚夜左返黎唷，我由5點幾開始擔心呢@o@

不過我知你叻會沒事的。

等到你上黎，原來係做報告，睇黎我都要擔心一排你夜返唷。

每天都會等你唷。

今日因為晨早要返學既關係，一早就起左身=o=

我竟然可以係6點45分起到身!

我不禁為自己早起身而要拍手歡呼=o=!

之後洗臉擦牙，沖埋個涼。

返學!

今日本來係第一日辛苦day

返8點半放4點半=o="....

諗起都想死

一出門口，嘩=o=

咁鬼大雨，好在有帶傘，不過帶左把縮骨=o="...

都OK頂得住，上到車。

之後過九龍，阿媽打比我叫我搭車=O= 話勁大雨。

不過因為我唔想排隊等，所以行左返學。

嘩，個二十分鐘...真係濕晒=o=

褲濕晒，好在著涼鞋，唔係仲大獲。

返到去，雨一直係咁落，不過無理到。

心諗都返左黎啦，又咁大雨，都無得走架啦。

點知，到十一點幾，紅雨+三號=o=...

IVE下午既停課，YEAH!

返屋企=o=，之後返屋企睇到，有一個風岩岩走左。另一個風又黎緊＝ｏ＝

傻架！

打住咁多先∼閃∼

------------------------------------------------------

我今日知道有d人都上黎睇XD

不過我寫比你睇架咋，其他人唔好話我曬野啦 XD

嘿!

今日一起身，好眼訓＝ｏ＝

唔慣咁早起身，搞到今日烏下烏下。

今日有一號波，出門果陣好鬼大風架。

今日返到黎，想訓－０－”

之後無訓到等你上黎，聽日夜返喔。

等我喔。

今日一早起身，出奇地咩都做得慢點，有諗過不如唔好返。

返到去都係派下野，講下野，最後都一個放假ＬＯＯＫ咁返左學。

咩都無帶，筆都無支。

返到去，見返同學，講下大家係暑期做過咩就入課室。

入到去搵個位坐，就聽阿ＳＩＲ講時間表。

同埋講下今年既野，上年畢業生既就業升學情況。

嘩！個時間表真係想死。

有３日要返８點半＝Ｏ＝．．．

日日都差唔多４點半先放

星期四就最好，返１０：３０放１２：３０。

吹多陣水，就飛左返屋企搵你唷

ＭＳＮ！你更新夜晚先黎更新好冇架！玩野！成晚冇得用＝Ｏ＝．．．！