今日一早起身，就等條友黎整上網。

佢約左我上午九點至十一點。

不過我係十點幾先起身　.____________."

之後一路等到十一點二十分，都仲未有人黎，仲要無電話。

咪打去嘈佢。

之後都仲未有人同電話打黎，等到一點，再打去ｘｙｚ佢地。

之後到兩點幾終於有人黎。

不過我要出去，睇唔到我阿媽話到人狗血淋頭既樣。

可惜。

之後出去做完野返黎，終於上到網，不過唔見你係度。

等多左一陣，你上黎。

之後傾左一陣，打左幾場ａｏｃ。

輸晒＝ｏ＝”

睇下ＴＶＢ紅白。

打到最後果場，一出黎你就ＳＥＮＤ左句　我訓啦　比我。

哎呀，講唔到好夢添，要等下次了。

今日一早起身，嘩！一睇，個枕頭好大片位血紅左。

尋晚流鼻血，可能係入冬啦，開始乾燥。

果鼻哥都開始易流血，呢個星期都流左兩三次。

之後洗個臉就照上學去。

今日照鏡果陣，有幾粒痘痘出現了。

唔通，我未出水痘．．．

之後返學，本來下午唔洗返既之前．．．

由呢個星期開始，上五個星期理論堂，三小時．．．

上果陣，真係訓得著，訓左幾個字左右。

好在無比人發現（可能發現左都唔知＝ｏ＝”）

理論堂竟然係阿ｓｉｒ吹水堂，阿ｓｉｒ係度講講下，講返佢細個幾慘。

為左省一毫子，由西環行去灣仔返學。

細個無玩具玩，要乞錢。乞唔夠一元都唔敢返屋企。

我係度聽，講真，反思自己要生性多點。

有時聽老人家講佢地既事，都會諗下自己幾好。

珍惜幸福．．．

今日返到屋企，問阿媽，我有冇出過水痘。

佢話：冇喎，不過打左針。

＝ｏ＝　死啦．．．嘩塊面有ｄ癢添＝ｏ＝．．．

今日返學，返去就係為左考試－ｏ－

用左一小時就寫完，之後當然訓等收試卷。

今日有個同學帶口罩返黎，嘩！原來佢出水痘。

我都唔知我有冇出過，不過記得好似有。

所以我都唔怕死咁問果個同學借筆，考試考到筆都無帶。＝ｏ＝”

之後搭地鐵返黎，今日坐車果陣，好多細路係咁走黎走去。

又係到大聲笑，大聲叫。

好鬼百厭。

簡直想叫佢地收聲。

不過諗左一下，自己細個咪又係咁。

見到班細路走黎走去，已經可以好開心。

相比起車廂的成年人，苦惱的面，形成好大對比。

係成年人不再天真。

還是社會不會讓人返老還童。

想了一想，我跟社會的距離很快又近了一小步。

笑了

尋日唔知幾時就掛起左一號風球，估唔到掛到今日仲有得掛。

今日又係一起身試唔到上網，之後就返學去。

上晒堂就返屋企啦。

今日成家都返晒黎，再唔係自己一個玩晒既時間了－ｏ－”

唔可以再亂糟糟了。

唔覺唔覺，已經到左十一月了．．．

今日一早想上網，點知都係一樣。

最後，返左學校。

上晒堂之後，就返屋企，今日都好，最少下午果陣同你ｍｓｎ左一陣。

返到屋企，又係咁試上網。

最後．．．上到一個小時多。

可惜，你唔係度。

咁唯有要等聽日啦．．．