今日最記得既就係一種野 － 笑
今日笑左好多野，丫，唔係，應該係傻笑左好多野。
尋日出完冷汗之後，今日繼續頭暈暈，一早起身沖左個涼，都係唔係好得掂。
所以無返到早上果堂。
ｓｍｓ左比個同學，叫佢幫我拎工衣。
因為下午果堂一定要上，無得補。
去九龍灣個訓練中心，不過我都係按左九龍塘既地鐵飛，仲要係九龍塘落車，之後先醒起係去九龍灣。
又搭返轉頭，之後到左訓練中心就訓左一陣。
之後同學都到晒，有幾個同我傾計，我都應左ｄ唔知咩答案比佢地。
睇黎我真係唔得掂＝ｏ＝
之後３點，我訓左半小時既ｂｒｅａｋ，仲要訓著到差ｄ扯鼻寒咁。
我發現我上堂每到三點左右，我眼皮就自然好沉。
就係訓返一陣。
之後放學返小西灣。
去左間中學度拎野，點知個ｍｉｓｓ未係度，我就去食左ｄ野之後再返去等個ｍｉｓｓ。
等到六點，拎完野行返屋企。
過馬路果陣出現左一個好奇怪既境象。
其實係果條馬路前既車都停左，不過仲係紅燈既。
咁呢，有四個人，一個小女孩，兩個男人，一個女人。
見架車停就行過去啦，不過見又係紅燈，行行下又企係度唔郁。
果個小女孩，其實行過左一半，個女人就係果個女孩後少少既位置。
而個兩個男人都行左過三份之一。
就係咁，四個人企左係一條大馬路度。
呢個畫面到轉左綠燈先無左。
笑了。
今日仲以為見唔到你上黎，好在你七點幾係度啦，不過你頭暈。
要休息多點呢，雖然今日傾得少，不過都好過一句都無。
滿足∼知足常樂丫嘛。
今日出奇地，家姐又唔用電腦，走左去織野。
仲話織埋比我添，又幾好喎。
今日可以同你傾多一陣，仲頭暈既你要快點好休息完。
快點好返啦。 |
