今早一起身，已經係下午三時多。
本來我八點幾起左身架啦，之後仲走左開ｍｓｎ睇下你係唔係度。
仲一路躺係床度一路等你上網。
一有人上網既聲音，我就開一開眼。
之後有一排無左聲，咁我就訓著左了。
醒返已經係六七個小時後。
我睇返原來係個上網ｃｕｔ左，差唔之得會無聲啦。
之後就起身，執拾下家居，同洗下碗咁。
因為．．．阿媽會過多兩日就返黎。
整好晒之後，落街買六合彩，之後家姐打黎，出左去同佢係美心打邊邊。
傾左一陣計添。
之後返屋企，竟然上唔到網！
打左去問，之後佢話過幾日派人黎整。
快點啦，大佬丫，我得用電腦先同到人傾計咋。
今朝一起身，家姐已經出左去。
一出到個廳就見到ｄ衫分晒一堆堆準備洗，之後開機洗衫。
之後當然上下網，同埋等你。
點知未等到你，就比人捉左出去做野。
搞到２點幾先返，之後見你係度，不過無應我，應該出左去吧。
之後你返黎，就同你上網同人打左一陣，我同你又打左一陣。
之後你出去食野，我都搵下野食，不過又唔係幾餓。
最後無食到。
之後你返黎，幫你轉野加教你用一ｄｄ小技巧。
之後你就訓啦。
而我．．．？
當然唔會咁早就訓，出左廳度睇波。
不過都係睇到兩點幾三點就去訓左。
一訓果陣，周身癢同埋有點熱。
不過因為眼訓既關係，過多一陣就已經訓著了。
今個星期六，都沒咩特別事發生。
都係出去幫舊學校既童軍團做野，之後返黎。
有好多衫堆左係廁所，要快點清左佢先得。
唔係就無衫著囉＝ｏ＝”
今日一早返學，就遇到地鐵塞車，去緊另一個站果陣，突然停左係度。
之後車長廣播：因為前面的月台，有人按了安全制，所以要延遲一陣，不便之處，敬請原諒。
就係咁，我就遲左到了。
安安全全上晒堂，之後返屋企，上網搵你。
之後打左一陣機。
家姐返左黎就比佢用了，之後一直知家姐唔知咩事，好似好唔開心咁。
佢ＭＳＮ個名，之後打我好想死。
我以為佢公司多野做，講下笑話做到想死。
今日臨訓前，我用左一陣電腦，一開，見到佢個名，話想自殺。
真係驚到企左起身，望下佢。見到佢有郁，應該沒事既。
今日返到黎見唔到你ｏｎｌｉｎｅ，都估到未整好架啦。
之後見你上左一陣，之後又ＯＦＦ。
以為今晚又無得見你添。
好彩你過多一陣，就可以ＯＮ到一次好長時間。
雖然你無應到我
（可能你有ＳＥＮＤ野黎，不過我呢邊收唔到一句）
不過見到你係度，個心都開心點。
好彩你今日就整好左。
太好了＠ｏ＠
