今日係星期五，因為唔洗上堂既關係。

所以就訓到自然醒。

一起身，就開電腦打機。

之後同舊少林既人吹水，一邊吹，一邊等你。

等到你成七點幾，你先係度。

一見面又講返前日講過既野，好笑既係果陣你話我得，宜家又話我唔得。

神又係你，鬼又係你。

真係玩晒。

之後講返Ｄ少林野，之前既舊事咁。

之後由七點幾傾到十一點幾，傾到你訓。

我都訓了，聽日見。

今日，係星期四。

今日都要返學既，不過係返一堂。

仲要９：３０，因為果個撕試卷既阿ＳＩＲ既堂丫嘛。

咪返去聽下有咩野發生。

點知無料到。

之後留左係學校做左一陣ＰＲＯＪＥＣＴ。

無食到ＬＵＮＣＨ，就返左屋企了。

之後係度一路等你，都有同舊少林既人傾計，不過等極你都未返。

都唔知你做咩咁夜。

之後９點就比左家姐用了。

唉，之後十一點上返黎，見到你，不過傾唔夠幾句，你又ＯＦＦ了。

今日咩事都唔好咁。

返學做ＰＲＯＪＥＣＴ比人放飛機，你又唔係度。

唉。

今日係星期三，正常黎講，今日係ＰＲＯＪＥＣＴ堂。

早上可以九點先浦頭．．．不過係正常黎講。

今日一早八點九，就要ＴＥＳＴ。

真係開心到爆炸。

之後七點鐘就起左身，七點半就已經出門口返學了。

八點半已經到學校準備，今次溫左唔係好耐，有點驚。

不過見到份試卷，即刻定左。

份野好易，簡直係功課ＣＯＰＹ出黎。

尋晚又做好左Ｄ功課，仲有少少記憶。

咪寫返落去，又搞掂。

之後就１０點１５分左右考完，開始做ＰＲＯＪＥＣＴ。

做到四點半就走得了，同左個同學係柴灣睇左陣波衫。

之後就返屋企了。

返到屋企，都六點了。

食完飯沖完涼，都未見你上黎。

接近八點左右見到你了，咁夜呀？

今日訓到成十一點，你就ＯＦＦ了。

而我．．．？

就由十二點睇波殺到去四點．．．

哈哈哈，我係病態的。

今日，一起身，污雲蓋頂。

一起身，就唔好老黎。

心情ｄｏｗｎ晒，之後起身返學。

今日都好點架啦，二點半先上堂。

係屋企訓到成１１點幾，先起身，一起身，見到好多人搵我。

嘩，同ｄ人傾左一陣，傾下傾下都差點唔記得出門口。

最後一點四十五分先出門，返到學校當然遲到。

上完一堂，就做ｐｒｏｊｅｃｔ，又搞到四點幾五點了。

返到屋企又六點了。

之後就沖涼，今日又係凍水涼。

沖完之後，出面勁大雨。

其實ｄ雨唔落左好耐，差唔多八點幾九點就黎料，係咁落。

狗屎咁落。

關窗都關唔切。

之後比家姐用了。

落完雨真係冷左好多，不過．．．我都係唔著衫唔著褲咁訓ＸＤ

今日睇你都無留言，應該整好機了。

聽小笨講六點見過你添。

不過今日見唔到，仲有聽日呢。

嘿

今日，好激昂地，一早八點就趴左起身。

之後沖左個涼（熱水涼姐）

之後８：３０出門口返學，９：３０準時地到左課室。

不過我唔係去聽書，我係去做返功課比阿ＳＩＲ。

上完第一堂，好在都做得返Ｄ功課比阿ＳＩＲ。

之後第二堂唔洗上，因為第三堂要ＴＥＳＴ。

個個上完第一堂，就搵地方，係咁鋤ＮＯＴＥ。

不過我睇極都記唔入腦。

之後ＴＥＳＴ果陣，簡直係空白。

今日阿ＳＩＲ好正經，其實佢不嬲都係。

今日有人交左試卷，之後比佢當場撕左試卷掉左。

有人話佢撕既係出貓果Ｄ，死啦。

佢今日係咁望我，會唔會以為我都有架。

我冇出貓架！咁死左咪好唔抵！

唉，聽天由命啦。

之後打左陣波，去食飯。

返黎上埋英文就放學，今日又係六點先返到屋企。

今日出面熱到想死，一返到屋企，即刻要沖個涼！

仲要係超激的．．．凍水涼。

沖完之後，上網搵你。

呢幾日，都多左人搵我，哈哈

可能係就出真少林啦。

好多朋友都返晒黎咁。

六點幾同你傾耶，之後七點幾八點搵埋小笨一齊傾計。

玩到十點，你洗機，我又比家姐用了。

希望你洗機成功。