今日一早就返左學了，今日係星期三丫喔。
星期三，係一個星期既中間，亦係最多野做既上課日。
返到學，組員都未到齊，所以頭一個小時，都好似無咩野做，吹下水咁。
之後開始度野，畫圖，同準備好下午要做既野。
去完食午飯，跟住就開工了。
幾個人去左整齒輪中間軸既野，而我同另一個人就係咁搵負責我地既阿ｓｉｒ，搵下搞下，就去左幾小時。
放得學果陣，已經係四點半。
之後叫左一個同我一樣住小西灣既人，同我去中環，影左中環地鐵站既相之後，就搭巴士返屋企了。
都算好，塞左一陣咋。
返到屋企都就六點半了，上網搵你。
哈哈，我一黎就嘿，係咪以為我有古怪喔。
哈哈，我都係轉左開場白喔，呵呵。
由六點半傾到九點，傾計既時間，好似愈來愈少。
又少了，不過都同你傾到計耶。
行開果陣，都知你唔開心架啦，儲緊錢買電腦架啦，等下耶。
就好似我都等緊你買電話架，嘿。
之後就去左睇電視，睇左亂世佳人，ｕｍ，第一次睇，感覺不俗。
不過夜點睇向世界出發，先係全晚最好ｆｅｅｌ既時間。
呢一輯係講柬埔寨既，以家做主題。
見到ｄ細路細細個就要係一個湖度，係咁划小艇去乞食。
睇見，真係唔忍心。
不過之後都有個好笑既，有個講賣書同明信片既細路。
英文都講得兩句，佢個一句：Ｎｏ ｍｏｎｅｙ Ｎｏ ｈｏｎｅｙ
真係聽完，笑得出黎。
不過係歡笑背後，佢地既辛酸，真係幾辛苦。
我想左一想，我要向為生存而拚既小朋友致敬。
佢地真係有很強既生命力，絕不是現在的香港裡的溫室小花。
|
