今日係情人節，亦係最糟糕的星期三。

因為星期三係ｐｒｏｊｅｃｔ堂，全日都係傾ｐｒｏｊｅｃｔ的。

返到學校，見到幾個人係度咋。

之後有女生返左黎，就係度派情人節朱古力。

我都收到幾個，我個班．．．都係得幾個女生＝ｏ＝．．．

之後就係漫長既作戰，由９點，一路殺到去就５點。

真係朝９晚５，不過都係冇結論，同埋冇共識。

仍然係停左係度，買左ｄ料返黎都唔知點用。＝．＝唉

返到屋企，又６點＝．＝

見到你係度喔，原來你今日唔去補習早ｄ返黎。

太好了，不過情人節有多ｄ時間係度，之後講到十點幾。

就ｏｆｆ了。

太可惜／．＼

最衰家姐黎搶機。

今日係情人節既前一日，點解宜家咁夜都要黎打日記。

我就係想係踏入情人節就同你講，情人節快樂。

雖然宜家做唔到第一個，不過都好似你咁講，唔洗太著重節日既，日日都可以係情人節既。

今日一早就出左去，托返個野比ＫＢＯ。

點知出左去先發現，無帶個電話去街。

之後搞到我要博運氣上去試下按門鐘，不過好在我仲記得佢住邊。

係ＫＢＯ屋企，留左一陣，同佢玩話事啤呀，打下機咁。

之後去左樂富，ＪＯＩＮ同學食ＬＵＮＣＨ。

之後返學，上堂，以為個ＬＡＢ好快搞掂，點知搞下搞下都４點９。

之後去左ＣＡＮＴＥＥＮ傾ＰＲＯＪＥＣＴ，又六點。

返到屋企又天都黑齊。

日日傾，不過傾黎傾去都好似差唔多。

唉，咁多野做，做死我咩。

返到黎，見到家姐係度就知唔對路。

所以同你一早講定唔會係度耐，唔想又比希望你，你又失望啦。

屋企，得一部電腦。兩個人用係咁架啦。

我又唔係有得霸晒，快Ｄ搵到錢就好了。

你ＭＳＮ中左毒，我一早同你講左有呢隻毒架啦／．＼

講左比你知，叫你小心。又唔聽人講架~_____________~

唉。

之後成晚都係度做道具，希望聽日做得好啦。

------------------------------------------------

沒有絕對的黑與白，我們都是站在灰色地帶。

今日睇電視睇返黎的。

今日一早起身，等到你上堂，之後同你傾左成堂。

之後去左返學了。

返到學，發現做左既功課唔見左。

即刻起勢咁做返，一堂搞掂做返比佢。

之後有個Ｌｏｎｇ　Ｌｕｎｃｈ，出左去樂富食野，食完野，仲行左陣樂富商場。

宜家已經有得賣果ｄ綿衣。

行行下見到個細路，頭帶頭巾，一身潮服。

嘩，細路都咁，睇黎我要追下潮流。

之後行左吉之島既賣文具果度，見返好細個果陣，果ｄ單行薄，後面有埋九因歌果ｄ。

唔知遲我兩年出世既你，記唔記得？

記得果陣一開學第一日，一定係派薄，一派就好多。

真懷念，宜家唔洗派薄啦，個個用電腦打完ｐｒｉｎｔ出黎搞掂。

唔知宜家小學仲有冇派薄架呢。

之後返到黎，同你傾計，知道你有ｄ事，唔話得比我知。

怕我擔心吧？不用怕，我會在你身邊支持你的。

平常心吧＠ｏ＠

今日開始，感受到新年氣氛，多過情人節氣氛。

哈哈，可能我地都係中國人吧。

今日一早起身，就開機ＯＮＬＩＮＥ了。

等下等下，終於筏到你上到黎，不過你１１點幾就去左做功課了。

之後到下午３－４點你返黎了。

之後傾開，話介紹台灣，之後改左一Ｄ野比你講。

係咁傾計，不過都係斷斷續續咁。

之後夜晚講開食團年飯，因為今日係成家人最齊係度，星期一至星期五，可能唔齊人夜晚係屋企食飯。

有人話食肯德雞，有人話食ＰＩＺＺＡ，不過．．．最後係食飯既．．．！

因為大家都食唔到最想食既野，最後決定之後再食返餐。

食完飯，陪多你一陣，我就ＯＦＦ左了。

之後阿媽，發脾氣話晒我地三姐弟，話我地又點點點唔理屋企。

唉，有時我都知，咪都幫下手洗碗，汁屋。

到頭來，咪又係比佢地話我成日打機。

晒鬼氣∼！

今日係星期六，尋晚陪得你唔多。

咪今早早ｄ起身，早ｄ　ｏｎｌｉｎｅ黎等你。

今日一黎就有好消息，個ＬＣＤ　ＭＯＮ終於歸位。

不過第一眼睇落去，竟然唔慣，應該係我睇左個厚ＭＯＮ一星期之後，宜家睇返ＬＣＤ，有Ｄ唔適應。

好在果陣，我把心一橫，拎左ＫＢＯ個厚ＭＯＮ返黎，唔係既話，你到宜家先見到我喔。

不過宜家諗起要拎返去就頭痛＝．＝”

等等等∼你１０點幾終於上左黎。

不過傾到點幾我要出去。

之後到５點趕返左黎，夜晚同你去解晒雲靈山既任喔。

今日係爭霸大結局，不過我冇睇，聽聲／Ｏ＼

尋晚就係突圍行動大結局，兩套我平時可能睇過下，都算有追開既劇集。

都係呢兩日大結局左。

唔知下一套又係點架呢＝Ｏ＝

傾到１２點就訓ＬＵ∼