今日好遲先起身，因為尋晚訓得唔好。

一見家姐坐係度，就心知不妙。

起左身之後，就去食返我個遲來的午餐。

食緊果陣，屋企人已經討論緊今晚食咩。

之後無啦啦，老豆好大聲地講左句：不如今晚叫雞啦。

我都唔係太記得句野係咩啦。

不過記得我聽完係笑到吐飯。

老豆講既叫雞，係叫肯德雞食，雖然我笑果陣，都知道∼不過都係笑左出黎。

前日睇新聞話，日笑十五分鐘可減肥。

聽到想笑，當然笑返一大餐先。

之後到夜晚，我地又食飯又食炸雞，噗，好飽。

食完飯之後，我用電腦啦，不過都係咁，ｍｓｎ今次直頭上唔到。

反而我家姐就上到，我已經重裝ｍｓｎ　ｎ次咁多。唔通就係得我呢個ａｃｃ先有事？

之後上網既情況都係咁！好慢！

好似話和記有事，聽都係用和記果ｄ人講，佢地都係咁，ｍｓｎ又多數唔得。

睇黎．．．要溫好ｄ考試野先。

星期二就最後一科，之前兩科都信心唔大。

今次要多ｄ信心∼

努力！

今日一起身，就見到你係度，咪叫你喔。

之後就傾左都幾耐，早上時間用都係順一點。

之後過多陣，就唔得啦。

之後要去到明星三缺一度傾。

之後又傾到陣喎，傾下音樂，傾下ｇａｍｅ又一個鐘啦。

之後！　夜晚就黎惡夢，係咁ｃｕｔ我！

仲要上唔到，上到一陣叫完你又ｃｕｔ！

唉唉唉！∼

今日唔知點解有時無啦啦，坐坐下都乾咳幾聲，希望唔咳得耐啦。

因為咳都咳得幾係野架。

今日多謝你送比我首歌，睇到ｄ歌詞黎聽。好開心同好舒服！

十點幾上得返一陣架！！不過之後十一點又係咁ｃｕｔ！

唔只ｍｓｎ係咁ｃｕｔ！上網都上到慢晒．．．！

之後有人話和記個上網出左事，我即刻打去和記，原來真係玩緊野！

頂佢個肺丫！！

今日係第二科，之前一晚果陣，因為ｍｓｎ問題，無得同你傾。

都溫下考試架啦，之後今日一早又賴訓左ｄ。

搞到就開考，先返到去。

一坐低就係咁做。

不過唔樂觀／．＼

之後返到黎，見到你ｏｎｌｉｎｅ，不過係ｅ－ｍａｉｌ名。

原來你又去左朋友度玩，今日５點幾見到你ｏｎｌｉｎｅ架啦

不過叫極你都唔應，仲以為係我ｍｓｎ問題。

係咁又開又ｏｆｆ∼不過最後先知，係你係咁打字都ｓｅｎｄ唔到比我。

咁睇黎你想同我傾多ｄ計就要係咁ｓｅｎｄ多幾次啦。

今日係ｍｓｎ名度打左一句好長既英文。

黎宣洩我呢排對ｍｓｎ既不滿

It's enough,i don't want anymore,If you want to try,just do it.but i can tell you that it's not funny. @MSN!!what the hell!!

ｍｓｎ！！你再係咁，我信唔信我洗機再安裝過你一次，一係唔要你用ｉｃｑ同雪糕傾計丫啦！

ｍｓｎ！搞到我呢幾日同雪糕傾得唔多／．＼

真係作死你咩！

尋晚又鼻塞，尋日成日都冇野，就係一訓就塞。

好在今日，唔洗返學。

之後訓到１１點幾，比人吵醒左，問我食唔食麥當奴。

咁之前見麥記出左新包，就當然話好啦。

之後起身洗臉，等多一陣，就有得食。

真係好，不過新包都唔好食。

又話咖哩，都唔辣既。

之後問到你好早就係度了，之後搵你啦。

傾左陣，ｓｅｎｄ返尋晚既野比你。

之後傾到點幾，之後我收唔到你ｍｅｓｓａｇｅ，原來你去左打牌。

之後我又入去，不過見你打緊。

我咪汁下野，之後叫你，不過只係在１３：５４分收到你一句回我，之後又無野ｓｅｎｄ黎／ｏ＼

之後我唔敢ｒｅｓｔａｒｔ　ｍｓｎ，等到三點幾，ｓｅｎｄ完晒ｄ野就重開ｍｓｎ。

不過你都唔應我，應該行開左吧？

之後一路係電腦旁邊等∼

最後都係一句都無，你快點ｃｈｅｃｋ　ｅ－ｍａｉｌ啦。

見到個ｅ－ｍａｉｌ再回我一個ｅ－ｍａｉｌ啦∼

ｍｓｎ！你真係靠唔住∼！

唉∼尋晚鼻塞，成晚無覺好訓。

又唔想用口透氣，因為硬係覺得訓覺係合埋口好既！

之後今早就早左起身，唔多夠訓咁，起身返學。

今早有點雨，凍好多。

我早左一個鐘返學校，食左個早餐之後，再溫多一陣。

之後就考啦，神真係有救救我喎睇黎。

我睇份試題，好多都答到野上去。

都應該夠合格既，希望黎緊都係咁就好。

我都唔算早走果個，我都做到最後得返三個人果陣先走。

之後返到黎，訓左一陣。

之後ｏｎｌｉｎｅ就見你，你果陣係人地屋企做緊報告。唔搵得你好多，等你返左宿舍先搵你傾多點。

其實尋晚你個名打ｘｙｚ果陣，我都留意到你有點事架啦＠ｏ＠

不過果陣我都又傾得好開心中，見你又好似無咩野咁。我咪唔問喔。

發惡夢，我都試過，不過我會同自己講呢一個係一個夢，唔係真既。

人咁都會好點的。