今日一起身，一見部電腦話咩個防毒到左期。

痴線架咩！之後拿拿聲搵個防毒黎裝左佢。

咁先頂得下。

今日係玩完美係第二日，點知就搞成咁。

今日一早起身，都有點凍意。

見個天陰陰，諗過帶傘出去，不過到最後落左樓先記得。

費時麻煩，所以冇返上去拎返。

之後就返學啦，上完上午既堂。

出面冇咩雨，咪諗住早點出去食ｌｕｎｃｈ囉。

點知行到一半，嘩，水點大到佢丫。

好在都有報紙，唔係真係死得。

不過都濕晒身。

之後下午仲要吹冷氣真係想死。

之後返屋企即刻沖返個熱水涼。

今日係完美世界既公測日，不過要夜晚成十點幾先玩得。

都玩到一兩下，不錯不錯。

今日既溫度．．．急轉直下，嘩！講都唔講聲，凍死人咩！

呢兩日都唔知做咩，明明可以早點出門，可以唔洗咁趕。

不過都唔知點解都要呆下坐下幾分鐘先肯出門。

今日又係咁，明明８：３０可以出門，照理就９：３０可以返到學校。

咁就唔洗遲到。

不過都呆住到８：４２分先肯出門。

就係咁，今日遲到了。

今日出門搭　車立　果陣，一入部野個細路就係咁喊，仲以為咩事。

之後個細路一路喊＝ｏ＝．．．到我行開左幾分鐘先聽唔到。

之後上堂整戒子，整好左一隻了。

下堂整有花紋的。

之後就傾ｐｒｏｊｅｃｔ，傾到接近一點。

就拿拿聲趕返屋企，等你。

點知你無得上黎，等到你夜晚８點返黎。

之後就同你傾左計，你好想要果兩樣野，我知道．．．不過得到一樣野，要付出。

唉／＿＼

又到星期一，又係一星期開始。

仲係好眼訓，不過都要頂住返早上既8:30堂。

因為...都就要考試。

MISS講考試範圍，唔返都唔得啦。

之後上早上既堂，就LUNCH，LUNCH果陣食左個咖哩雞扒飯。

都唔知係咪食左咖哩雞扒飯，食完之後，就喉沙。

之後講野都細聲左。

之後上埋下午就返左屋企了。

就返到屋企果陣，有人行埋黎，同我講左句....:

小弟弟,我想問呢...

啞口無言...

之後夜晚同你講開戒子果D野，如果我整到我一定整比你。

我都想整返一隻比你。

睇下之後有冇時間整到先。

今日好晏先肯起身，可能呢幾日訓得唔好。

十二點起過一次身，開左電腦睇左一睇，你未係度。咪諗住訓陣。

點知一陣，就係下午三點，之後搵你，你都唔係度唷。

我咪落左街一陣買下午茶食，一路買一路驚，你係我落左黎果陣叫我點算呢．．．

我出門果陣，咩都無換，短褲風樓，嘩，十二月啦大哥。

不過都唔係好凍，不過係風大點。

上返黎見你未係度，食住野等你。

之後你四點左右係度了，我就同你傾下計，玩下黑白棋。

玩左場ＡＯＣ。

之後就傾多陣完美世界，你就早訓了。

你生左暗痘了，要好好調理身體。

你訓左之後，我就行左出廳睇電視，坐係好耐未坐過既梳化。

訓埋係度．．．嘩．．．梳化原來咁舒服的。

足足有一個多月無坐同訓係梳化度了。