今日係ｄａｙ　ｏｆｆ，不過我都幾早就起左身，因為尋晚你講你９：３０上電腦堂。

雖然我記得你星期係１１點左右上電腦堂，不過我唔知你有冇改左時間上，所以都一早９點鐘就起左身等你。

之後開左ｇａｍｅ升到１０點，你都未上黎。

之後１１點，你終於上黎啦。

我同你傾左升新人氣功果個，不過我會知未必升到４０ｌｖ。

因為個新人咩都無，就好似我升第一個人咁，仲要係氣功，都唔知打咩好。

之後一路打一路打，打到你５點幾６點係度啦。

不過你又要做功課，之後你黎問我一首歌。

我唔知係咩歌，不過我奇怪，你唔係做緊功課架咩，仲幫人問人首歌係咩歌。

之後就要閃，同家姐既關係一樣咁差。

今日成日係屋企都唔知有冇講野超過二十句。

唉∼

今日睇電視，兩套電視劇當中有ｄ對白都提及到：

沒有夢想，個人就會行屍走肉咁既概念。

夢想？細個時想做數學家。

大個先知數學唔係我想得咁容易。

而家其實我都有一個放左係度幾年既夢想，想知？

黎問我吧。

今日一早起身，因為返九點半，所以就一早出左門。

不過估唔到上咁耐．．．

食完飯，過左去九龍灣既訓練中心度上。

本來上到４點半就走得既。

因為之前我出水痘，無返去一堂。

所以要補堂。

搞到６點半先走得，不過都好，唔洗特別再返去補一堂。

之後搭車返黎，今日見到多左人帶口罩，可能係轉涼左好多，好多人感冒了。

咁搞到我都無咁凸出。

之後返黎搵你，同你傾左一陣左右。

之後同家姐嘈左一陣，比多４分鐘我，真係咁難做，你呢個家姐唔識讓下個細佬架？

講完∼

今日一早起身，因為要返學啦。

無返成十日學，好多野都要追返。

因為臉有幾點都未甩，今日帶左口罩出去。

嘩！一帶，好焗。

之後一路返學，都有ｄ人望我。

有點怪相，無計啦，方圓十里都唔知有冇人又有帶口罩。

沙士之後，再次帶口罩，真係夠晒吸引人。

之後上晒堂就搭車返黎。

坐小巴返黎途中，聽到一件幾好笑既事。

一位女仕：司機呀，唔該，想問下華盛係邊度落？

司機：（諗左一陣）咪係華盛度落。

果位女仕即時無奈。

真好笑。

尋晚你話升錯左，我都驚幫唔到你升。

好在我ｄ功課又做左ｄ，加上家姐又遲返。

唔係都升唔到你個新人。

不過升唔晒七小時，不過我都好累了果陣。

都升到４０ｌｖ，達到目標了。

－－－－－－－－－－－－－－－－－－－－－－－－

呢兩日都係咁升ｌｖ，所以今日先打返呢幾日既野。

今日同你一齊玩左一陣，玩到補習阿ＳＩＲ黎。

玩左好耐，之後我幫你玩，都玩到４０ｌｖ。

之後，你就出去同爸爸慶祝。

今日都玩得算係耐，又傾左好多計。

都幾滿足。