今日一早起身，之後過多陣。

十點幾，扮晒好辛苦咁同阿ＳＩＲ講今日病左，唔去遠足啦。

之後聽到佢其實唔高興，不過都唔理啦。

之後你十一點幾上黎啦，之後你睇電影，不過都ＫＥＥＰ住有傾計。

諗ＧＡＭＥ同你玩，之後同你玩左陣ＭＳＮ　ＧＡＭＥ。

之後又打左場ＡＯＣ。

之後你傾多陣，食飯。

食完飯，就你準備補習，之後你九點幾係度。

唔洗補習？

同你玩左陣心理測驗，睇下星座，睇下美川叔叔既片。

之後見你想訓，就比你去訓。

我之後去廁所，之後去完，見你仲係度。

即刻想叫下你，點知你ＯＦＦ左。

咁我就搞多陣野，就去左訓。

不過．．．搞多陣．．．一陣既意思．．．

嘩，三點訓覺。

今日因為無堂上既關係，所以鬧鐘無較到，由自己一路訓。

之後到訓到１１點幾，聽到電話響。

之後我就醒左。

我諗如果無人打黎，我估我訓到１點都有。

諗過不好返去訓多陣，不過最後都無，見１１點幾啦都，就起身整野食。

今日係第一日食減肥餐 ＸＤ

食完之後，就係度無咩野做上下網。

之後等到你六點幾都未係度。

阿媽又話出去食野，咁就同左佢地去美心食飯。

不過我都選擇左一d岩餐單既野黎食。

食完返到屋企都就8點，即刻睇下你係唔係度。

點知你仲未係度。

咁就繼續等，等到九點幾，你上黎啦。

之後一路傾到十一點幾。之後就訓lu。

尋晚無同你講早抖，對不起了。

今日話做功課，到最後一樣都未做過。

今日一早因為要返一堂，咪唔鬼返去囉。

之後就係屋企過左呆呆的一日，今日你去試鏡，我估到你都無咁早返。

所以等等等．．．等等下就睇下之前我同你既記錄。

都有十幾個文件ｓａｖｅ左我地既開心同唔開心。

睇左一日，之後你七時多返黎。

就同你傾左到１１點幾。

今日．．．因為無返學，同老豆大吵了一下。

不過佢講既野都岩，仲有一年半．．．我就出黎做野。

中學果陣，覺得做野同我好遠，宜家只有一年半。

感覺近得很．．．

今日一早返學，係九龍塘個車站，聽到播緊聖誕歌。

仲以為係商店播既，不過聽真點，又唔係。

應該就係車站度播，近幾日睇好多店舖，都好多聖誕裝飾了。

睇到報紙上，都有好多話聖誕節點過既野。

聽日夜晚，家姐又上機去澳洲了。

唔知今年聖誕節，我又會點過。

你會唔會成日係個網上係度呢？

今日其實比左家姐用，不過係家姐沖涼果陣，見到你上黎。

嘩，１０點幾了。

之後你話今日去左試音，＠ｏ＠做歌星？

聽日又去試鏡，＠ｐ＠你都做野了。

你未成年都開始做野，我．．．唉！

要快點讀完，出黎做野！

-----------------------------------------------------------------

呢幾日，都不多時間打日記，在等你既時間，又唔記得打。

所以到今日先打返之前既日記

今日一早返完學，就返左黎。

之後等你到兩點幾上黎，之後同你傾左一個鐘。

之後呆左一兩個鐘，之後就幫媽媽洗碗。

不過又見你上左網，今日咁早就返到黎，好乖。

咁我就開大個聲，之後出廳洗碗，一聽到你叫我就走返入房。

來來回回幾次。

哈哈，不過都抵既。

最後你要做野同埋心情唔好，所以對話不算多。

仲有明天的。