今日，一早要返學。
放學既時間，已經係下午四點，約好班朋友，四點半係中環地鐵站。
行上到去，都好似見到有十幾廿個人係個門口度。
急急腳行左入去先，哈，入到去先知。
我地都係頭十個入去，果陣排第九。
咁我地有三個人既，有一個就入唔到頭十。
不過聽到場既人講，頭二十個都有衫拎。
所以唔驚，之後之前到場果差唔多十個人，就開始協議同聯盟。
保障頭二十個位都係我地既，因為佢一開始唔比去廁所。
所以我地頭二十個人就協議，認返晒頭二十個人，去完廁所都有返個位。
之後就開始鋤下牌，本來同佢地唔識既，唔洗一兩小時後，玩玩下就好似好熟咁。
係度又吹晒水丫，玩牌。係中環街頭，坐埋係度打牌，真係想死，又比人影晒相。
同埋點樣頂住後黎果ｄ人丫。
總之頭二十個就已經組成左個聯盟。
其實六點幾都未齊腳既，因為有個巴基斯坦佬，佢ｄ馬仔未到。
果個巴基斯坦佬好似做開咁，去到果度，做左個二十個人既大佬咁。
有咩就佢出聲。
之後有個人想入黎，都比佢迫返出去，果個人又ｃａｌｌ差佬，又想打架咁。
不過最後都係走左，笑死＝．＝！
六七點，開始ｄ人黎。果個巴基斯坦佬出去接佢ｄ馬仔入黎。
呢個時候，閃左一件友入黎。
本來，我地一開始有張紙寫晒頭二十名既名架啦，點知，之後又寫過一張，又寫多張。
搞到第三張無左個巴基斯坦佬既名，佢同佢女朋友，即嘈個保安，十點幾係中環大吵大鬧。
之後又有差佬丫，又有果ｄ鬼佬ＣＥＯ落黎。
到最後，都搞得掂，排到返我地一開始果二十個人。
之後成晚，個巴基斯坦佬係度搞笑，又正野，講Ｄ廣東話又正宗又正。
總之超正，又話搞事丫，玩丫，總之笑死。
|
