今日既日記，可以由凌晨１２點開始寫起。
搞掂好個臨時居所，就好似野餐咁，拎左ｄ零食出黎。
同另一個領袖，一路鋤大Ｄ。
鋤到點半左右，開始眼訓，躺左係度，訓左一陣，兩點幾都係唔掂。
個背部好凍凍醒左個人，一路訓，個天幕就一路滴ｄ霧水落黎。
搞到真正訓著既時間，可能只係得五至十分鐘呢。
之後起身，同一個領袖去左整杯麵。
嘩，係天寒地凍既飛鵝山，食個杯麵真係人生樂事。
成個身暖返晒。
之後睇下星星，又躺下。
之後兩點半，起身換制服。
三點就汁好晒野，之後係我地幾個領袖臨離開個營地果陣，特地去叫醒班細路。
之後又叫佢訓返，哈哈，好黑心。
跟住，又去擦多個杯麵。
之後去路口等架的士，飛的去灣仔運動場，去會場前，去左７－１１整左杯醒神咖啡。
去到會場，四點半，之後集合。
聽負責人既安排，之後知道自己既野，就食早餐。
食食下＝．＝有反胃既感覺。
可能之前擦左兩個杯麵既關係掛－口－食左兩件三文治就冇食了。
之後就影下相同埋行去企果個位了。哈哈，係我身後既人就做緊準備工作。
而我地幾個控制人流既就係度影相、同埋吹水。
真係好唔應該。
之後到六點幾，就黎左第一個人。
之後ｄ人一輪輪咁黎，開頭就小貓三四隻。
七點幾，就開始一堆堆人了。
八點至十點。就係咁做交通警，指ｄ人係咁去佢要去既位拎野＝口＝
最慘既係，要留意佢心口既編號，再引導佢去。
個編號又唔係大隻，要用心睇下先睇到，仲要好多人出。一時間都睇唔晒咁多個人＝口＝”
做完呢兩小時，到十一點無咩人既時間。
全場既童軍兄弟姊妹，好多都由企變坐。
我同幾個控制人流既領袖，都上左去果個會場既看台度坐。
由１１點幾坐，一路坐一路釣魚。
之後約左周公半小時左右，就開飯＝口＝
開完飯，就１２點幾１點了。
１點幾落去企多陣，就收工了。
２點幾影相，２點半就搭車了。
３點左右返到黎，見你唔係度，去左沖涼。
沖完個涼，真係爽點－口－！
４點就黎搭半，你返黎了，同你傾下講下，去到６點。
去左訓了．．．點知一睡就不起。
|
