見到niki呀...

今日要番教會喎...
成11:00先起身
點知最後...都趕得切呀^^
小娟又唔知醒起身
冇番到=.=""
今日就播左段video喎
都幾感人架...
如果冇以下原因既話~我都可能會喊出黎既...
第一,,,嗰度太多人啦...
第二,,,聽到個女主角把聲~我實左喊唔出...笑死我同sim同肥牛同文諾呀!!

番完教會
媽媽又話沙田喎...
我本身都唔係好想去=.=""
之後去到~食完野之後
突然間諗起收音機話過niki今日會去沙田
諗住去睇下啦...
佢真係喺度呀!!
嗰度企左好多人...迫死>﹏<""
影左小小相之後
就返家了...

niki d相相(影得唔清呀...):

 [ 訪客留言(3) ] [ 編輯日誌 ] [ 分享至FACEBOOK ]

游水比賽...

今日要學英文啦...
之後去到5:00就喺我屋企樓下個泳池度比賽
我成年冇操水
淨係上個月先開始游番
陳嘉媛都有比賽喎
佢差dd又到決賽架啦...
我要同2個女仔比賽
佢地兩個以前都游得慢過我架...
比賽啦喎,,,
我好緊張>﹏<
點知游到一d都唔去水
最後竟然游第3
勁唔開心囉...
我決定以後要努力操水
唔放假呀!!>~<

跟住夜晚睇電視
其實為左睇欣宜"姐姐"
諗到上次發生過kenny既慘事之後
就想睇下佢今次同吳卓羲會點...
當佢地想走埋一齊嗰刻
我就叫"唔好呀!唔好呀!"
最後...都係錫左落去=.=""
俾佢錫完仲要笑
吳卓羲d演技真係愈來愈好啦!!

之後再睇迪士尼個節目
佢講得幾好呀...
其實個樂園都幾好既...
不過最衰係細左d囉!
玩一陣間就玩曬d野...=.=

 [ 訪客留言(1) ] [ 編輯日誌 ] [ 分享至FACEBOOK ]