|
to win:我唔打幾日就係為左呢篇呀ma~
你睇呢篇啦~
哈哈~終於去迪士尼啦!
7:45就起左身[[眼瞓到死]]
之後坐左架迪士尼既地鐵去嗰度~
成日玩左12樣野
香港既迪士尼的確好細
半日都已經行晒所有景點
入面所謂最激嗰樣野
都不及ocean park既海盜船
可想而知有幾激啦=.=""
下午睇花車巡遊
坐喺個路邊變左燒豬
曬到呀...>w<""
仲有,,,坐到腳都軟晒=.=
之後又排隊同d卡通人物影相
同左minnie同埋巴斯光年影相相
好開心呀>3<""
等到8:00又去坐喺城堡前面睇煙花
未開始之前發生左段小插曲
因為有好多人都會睇煙花既~
所以喺前面d人都要坐低晒
開頭我坐嗰度前面有個呀伯零零丁丁咁企左喺身
坐我前面同埋附近d人又喺咁叫個呀伯坐低
成班人一齊叫
最後個呀伯俾我地d"強權"迫到坐低左
之後就到左面d人啦,,,
後面嗰班人又喺度成班叫d人坐低
過左(我諗大約)20分鐘度終於都坐低埋
後面d人就喺度拍手=.=""
到右手邊先勁!!
開頭有好多人都冇坐既,,,
後面d人又開始叫
入面又有個呀伯(另外一個)喺度話類似"做咩要坐低..."咁既說話啦!!
過左一陣好多人都坐晒
得番嗰個呀伯+呀嬸+個女仔{我諗係一家人黎}冇坐到
個呀伯死都唔肯屈服
後面d人就開始罵佢啦
有人話"呀伯,信唔信我影你張相放上網呀啦??!!"
又有人話"呀伯,唔好影衰香港人啦!!"
更加有人話"呀伯,你係唔係食玻璃大架?!?!"(kaka~)
最後我地罵到開始放煙花嗰時...
我覺得個呀伯又真係唔啱既...
為左自己睇好d
就影響晒後面所有人...
迪士尼d煙花,,,
我覺得係好靚靚架~
靚過香港新年播嗰d煙花囉!!
迪士尼嗰d有好多花款既,,,
靚好多^^
最後喺精品店度買左隻跳跳虎既鎖匙扣
我覺得好cute呀>v<""
大約9:15走啦
行左12個鐘
隻腳好似斷左咁
今日,,,攰死左啦!!
相相呀:
花車呀!!~
![[[米奇花車]]](http://tinypic.com/b52w3r.jpg "[[米奇花車]]")
|
