今天去左動漫節。
早上11點到出門,同媽媽一齊,本來仲會同表妹珊珊去架,但佢整傷左隻手,去唔到....(有點失望,好耐冇見佢la)
首先步行去火車站(買八達通,先前唔見左),之後行去巴士站搭271,
到左尖沙咀後,去食m記,食完再搭船去灣仔,不久就到左灣仔啦~
行去香港會議展覽中心,終於到啦~累死啦,路程咁遠......
去到之後,先到一些人扮成動漫中凡人物,但我好多都唔知佢地扮邊個,不過好靚呀!!(真羨慕)
唉~知識淺薄啊~睇得漫畫少,咩都唔識...
一入到去,就沿邊向右行,到左最尾個度,見到一個好大的魯夫(one piece)的牌,
就好興奮地跳起指住個牌(當時個動作真係咁=.="),想入去睇下,買下野啦~~
,個攤位係天下有限公司。準備排隊入去啦,點知.......
嘩!條隊好長好長好長啊啊啊啊........(過程辛苦,不多提...)排左1小時45分鐘,,
終於入到去啦~~尼度係賣最新一期的漫畫和精品既,,,本來只係買一本one piece第42冊,
但排左咁耐,買咁少野,太唔抵啦~~所以再買左3本不知名漫畫(之後都係有點後悔,應該買多d>.<")
之後再去左附近買左隻明星志願二合一的game玩,本來只係買星光圓舞曲(新版吧~),但要有明星志願3先得,
借左比雯雯,未還,所以要買二合一版囉~要成160蚊,貴好多呀~買完這些東西,休息左一陣~~
等呀媽去完toilet返黎,再去行啦~~
最後,,買左個網王的咕順和筆記簿,又買了不少的海賊王精品(見到就買-.-"),另外買左一d其他卡通的精品啦~
收穫都幾豐富架~聽日又約左矇矇去,意猶未盡呀~~
 
|
