琴日買左全日通$20搭西鐵去南昌,再轉K16去尖沙咀。落左車唔係好識行,行左好耐先搵到【無印良品】,個商場冇野睇,又冇咩人。我地口係無印買左$160,多數係買野食,真係好好食牙~>V<"之後搭返K16去南昌,再轉701去旺角<免費>。落左車見到個新商場【新之城】,門口有班人著住LOLITA&PUNK,本來我都覺得幾令,不過佢地手上拎住支煙就令我大打折扣啦。個商場太窄啦,好似新北江咁,都唔好行,又多人。

最後都係去朗豪坊,夠大夠舒服~首先衝左上小熊國睇公仔,細佬見到個綿羊筆袋又心軟了,真係好可愛,好似BB女咁得意>3<"。不過,加左價牙~$58...貴左$10。T^T"之後我見到【死亡筆記】獨家展覽館,有個1:1既死神流克,我同佢影左張相。又見到好大個蘋果,我貪玩坐左入去影~真係不往此行,遲D擺D相上黎。<記得的話XD">

期間我地去左【滿記甜品】,雖然一碗廿幾蚊,但係回味無窮,實在太好味啦!!仲好味過B仔好多…‥．。之後見到有間店D衫好令,但6折左之後都要成500蚊~佢叫我試下,我咪試囉‥試完又唔敢行出黎<太少布啦XD">,好彩冇人睇到>///<"好耐都冇試過瘋狂試衫。<白痴也!!>

琴晚9點先返到屋企,來回車錢先用左$20~抵呢。之後開機同人傾計,好多人,好忙,但我就係鐘意咁。>W<"聽日派卷啦!!冇有怕~呵呵。