今日考中史同考化學既同學都口係禮堂一齊考,但係班主任就叫我地班番班房,我地以為口係班房測。班主任說:【我要同大家講一件事,係琴日發生既,相信差唔多全校都知架了。】點解我唔知既!?我好疑惑。【某D低年班做左D不良行為,俾人影到,仲要擺左上網。依家D記者牙,傳媒口係學校出面,你地見唔到咋。你地作為高FORM,仲要係精英班,應該知道點做啦。萬一有人拉住你問關於呢件事既野,只要答唔知唔知,唔好講任何野,廢事D報紙雜誌亂作野!!你地亦都唔好再高談闊論或者竊竊私語咁討論呢件事,當事人除左要承受學校既壓力,仲要承受外界傳媒既滋擾。大家有冇咩想問?】有同學問當事人會唔會被踢出校!?【我地會俾機會佢改過。】我聽到呢度都仲未知發生咩事,就問後面既同學。佢地話有低FORM既同學下午去左頌富商場,口係商場唔知邊角[搞野],俾人用手機拍低左,仲擺左上網,一夜間就好多人知了。由於當事人著住校服,所以咪直接影響到學校囉。

之後老師叫我地落番禮堂測驗,頭先所講既野簡直猶如精神講話<洗腦>,氣氛好沈重,中史所背過既資料一瞬間被呢件事所掩蓋住。其他3班冇上過班房,一直留口係禮堂...中史測驗開始,有3大題,測1個鐘,唔算難。測完之後有同學同我講頭先3大題原來只選2題做,我-0-←這樣的表情,唔怪之得我寫滿2張單行紙,好多同學都係咁。出校門既時候好擔心,怕正如老師所講會有記者/傳媒問我地野,但係好彩放得早,唔見有呢D人。呢件事今日知算係早,唔知聽日又會多幾多人知道,捱埋聽日就3日假期了,希望平平安安咁渡過...著住件校服真係危險!!放左學就要即刻返屋企>︿<"

PS:我擔心既普通話全世界得8個人合格,其中一個係我,都唔知應該話係好定衰。