今日朝早我又去飲茶啦~(呀~又飲茶><), 今次只係我同屋企人去飲, 姨媽冇去......原本飲完茶之後就去游水, 但係因有特別原因冇得去(嗚....嗚......T^T), 於是我o地改變計劃, 改為行街。

今日收穫都算豐富, 我細佬買o左佢人生第一部o既手提電話S500i, 而我同我呀妹買o左街頭武器之一............摺櫈(仲要有"pan"果隻), 我同呀妹一人一張, 一齊玩女子雙打(講笑o乍~^^).....不過, 我部電話壤o左呀~><, 要拎去整, 我冇電話用呀~(嗚....嗚....), 希望快D有得拎返啦~

 今日係interview o既日子, 我特登早一個鐘頭出門, 去到巴士站等208(車), 等o左半個鐘o架車仲未到 .\ /. , 今日D天氣又熱, 搞到我有D暈......於是我改搭的士, 但係我唔記得地址, 我即打電話去屋企, 點知電話(內部機件)玩o野..... .\ /. , 的士好快就接到, 我同司機講我去天保文學校(巴士站名), 但佢唔知到係邊, 佢問我個地址, 但我唔係咁記得, 於是我問的士司機借部電話一用, 個司機好好人呀~^^佢借畀我(多謝你呀~)^^, 之後打返去問, 最後岩岩好2:45pm到達。

由於我流o左唔少汗, 我非常口喝, 但果到搵唔到類似售賣機/店舖o既地方, 所以我要喝住咁去interview。果間學校雖然得5層, 但地方好大, 果到D課室同我地D學校唔同, 大好多。interview以小組方式進行, 分成7組, 每組有13人, 我果組大部分都係會考生, 但有一位係太太。考官問o左我地3個問題, 由於係自由作答, 所以要自己爭取作答機會, 有幾個3題都答哂, 有D就冇答過(坐全埸), 我只係答o左兩題。最後一條問題係問有關四川大地震, 有人講到想喊咁樣。問完之後interview結束。

我返到旺角見到長毛(梁國雄)係西洋菜街到為四川救賑災, 真落力。

 今日8:00am起身, 點解咁早起身?因為今日又約o左D friend去游水。我而家游水通常係朝早游, 朝早個泳池通常少人, 加上太陽又唔係太勁, 曬得冇咁傷。去到泳池我o地又撞到上次同我o地傾計o既救生員, 今次佢都有同我o地傾計, 教我o地游水。唔知係唔係太大力蛙水o既原因, 好似拉親膝頭對上大腳背面肌肉.......有D痛><!游到11:45am我o地上水Lu~

到o左2:00pm我班friend約我去唱K, 我o地去坐低o左之後第一時間點方力申D歌, 當然唔少得點方力申o既新歌"我的最愛"。我唔知點解每次唱K唱唱o下D人會進入忘我境界, 佢o地仲點o左一D兒歌, 有陳奕迅o既 '不死傳說' and '超人的主題曲' , 麥兜D歌, 仲有小丸子o既 '問題天天都多' =口=.....佢o地仲要大大聱唱(我覺得佢o地唔係唱....係哎=.=), 唱到好High.......我o地原本唱到6:00pm閃人, 但由於冇人o黎, 所以我o地可以唱耐D, 我o地8:00pm各自閃返屋企Lu~我諗我喉嚨可以"報銷", 聽日一定開不了口........

 今日姨媽黎我屋企, 呀媽去老人院接呀婆出黎一齊去飲茶, 自從我呀入o左老人院之後, D姨媽多o左黎我果到, 差唔多每個禮拜六/日都去一次飲茶, 搞到我對飲茶都有D抗拒........

我去到酒樓見到姨媽, 呀婆and我媽媽, 我坐低o左之後見到我左手有一大搭券, 我以為係咩店o既優惠劵, 點知係抽獎劵, 好多人以為有一大搭抽獎劵係好事, 增加中獎o既概率, 但係諗深一層, 有咁大搭抽獎劵咁又點, 都有機會唔中, 加上我呢個超級"黑人", 點會中呀><.......姨媽話我表姐拎返黎o既, 畀D我o地玩, 我睇見果搭o野一定寫到手抽筋, 今次唔方係"抽"獎Lo~由於只限年滿18歲先可以參加, 咁姐係得我呀爸and呀媽可以參加, 佢地D名鬼咁多筆畫, 仲要"罰抄"呀爸and呀媽o既名n咁多次!? O my god ! Shxx(要有家長指引先可睇!!)飲完茶之後返到屋企開工, 由於姨媽要返去做o野o既關係, 我要好快了斷佢(係抽獎劵, 唔係姨媽~)。我用o左約一個鐘頭終於KO o左佢~希望中獎啦!!

 今日同平時一樣10:00am幾起身, 食o左野之後又好似平時咁, 入房開電腦, 睇戲聽歌。

到o左大約3:00pm我收到一個短信, 內容係全"雞腸", 係IVE果到叫我interview, 之前填From我填o左其中一個要interview o既學系, 果個學系叫幼兒教育及社會服務(長者服務), 我係到諗:我去唔去好呢?我又唔係好鐘意細路仔同老人家, 試諗下, 有冇見過一個唔鐘意細路仔o既人去做幼稚園老師, 一個唔鐘意老人家o既人去做老人院o既護理員。 但難得有機會去interview, 我去唔去好呢?

到o左食晚飯果陣, 我問老豆幼兒教育及社會服務(長者服務)有咩做?佢話除o左做幼稚園老師&老人院之外仲可以做健康院D護士, 於是我決定星期六去interview。

其實我最想做都係醫療果類D工, 例如:藥劑師丶營養師丶心理醫生, 但我又想做有關飲食o既工, 唉.....我實在太花心嗱...><, 希望我同我理想中o既工有緣啦~