今日落雨落得好大, 到o左晏晝先停o左一陣, 突然收到一個電話........個電話係我個Friend打o黎, 佢問我借充電器一用。借o左充電器之後, 我請佢o黎我屋企一坐。由於我間房焗緊o野, 於是我o地係廳到吹水。過o左一個鐘頭, 間房焗完o野, 異味也消去, 我o地就入房上網。上完網之後玩o左一陣大富翁, 玩大富翁邊可以咁少人玩o架, 於是我o地叫我呀妹and我細佬一齊玩。玩o左3個鐘頭, 結果我細佬第一個破產, 然後係我, 大富翁係我個Friend(=口=)~咁就過o左一日啦~距離謝師宴仲有6日.....

由於前兩日都係做檢查, 無咩特別o野, so直接跳到今日。

今日7:30am起身, 食完早餐就換衫, 去游水Lu~由於12:00pm我要返醫院睇報告, 所以8:30am就出門口啦。食朝早都幾好太陽, 但D水好凍呀>﹏< 我o地除o左游水之外, 今次我o地玩水中'' 促依欣 '', 可能天氣唔係太熱, 唔係好多人黎游, 我o地好似包o左成個泳池, 個泳池我o地玩哂(正呀!!>v<)。

到o左11點幾我上水走先。去到醫院, 醫生未到, 食o左個Lunch之後, 繼續等醫生, 等到5:00pm醫生終於o黎啦, 佢話冇咩大問題, 可以走啦!! 我終於可以出院啦~

 又到o左每年必做o既o野啦.....就係身體檢查><.....今日好早起身, 食完早餐後就出發啦~到o左醫院之後, 第一個檢查就係見心理醫生(唔好誤會我心理有問題!!), 醫生驚我Lee個病會影響我情緒, 所以要見心理醫生, 進行心理輔導。跟住見主診醫生, 做心電圖 and 照肺(照X光), 然後去職業治療部做測試, 到o左夜晚我要去南翼做睡眠測試。

呀......><......又到o左我最憎o既睡眠測試o既時候啦.....點解?? 第一, 冇得返屋企訓, 第二, 做親Lee個測試我都郁唔到, 最後o既原因就係....... .\ /. 佢搞到我成個宇宙腦魔咁o既樣(由於做Lee個測試係要個頭痴o左好多條電線, 請自行想像~), 我最憎o架, Lee個測試要用一夜時間進行, 咁就過o左身體檢查o既第一日啦!!!

 今日我又去shopping啦~去shopping前先拎返我部壞電話。然後去直銷到shopping, 去到先睇我細佬張床, 然後去睇DVD機, 最後睇手機, 今次買手機唔係細佬又唔係呀妹, 而係我(好o野~^^)。售貨員介紹o左兩部機, 搞到我心大心細(呀....呀....), 最後我買o左LG o既KF600。

唉....又到o左果D日子啦T.T, 每年一次o既身體檢查(唔係普通檢查, 而係要入院進行o既檢查), 希望快D完o左佢啦。

今日我中五畢業禮, 好開心呀!可以見到D friend, 但有D唔捨得, 因為今日係我地最後一次著麗澤o既校服, 好唔捨得呀~T^T今日個牧師講得超長, 搞到D人訓哂....(Z...z...z...), 不過佢講D o野都有道理o既。到o左完場啦~現場情況一片混亂(>口<), 有D走去食o野, 有D走人, 而老師派返我o地D成績表, 回條, 畢業證書同同學錄。拎完o野之後我同其他畢業生當然唔會放過任何影相機會, 促周圍D同學同老師一齊影相, 留返過紀念, 最後我o地5B班影最後一張亦最後一次大合照之後各自'' 飛 ''。

畢業禮之後我o地會踏上人生另一段路, 而我踏上人生另一段路之前我同呀媽, 細佬同呀婆去飲茶。我一面飲茶一面睇同學錄, D老師寫得好感人呀~T^T。飲完茶之後, 我D friend上o黎我屋企, 我o地又玩show hand, 21點, 七級豬(最後我做o左七級豬呀~><).......玩我好開心呀!!!^v^