今日是短週, 所以唔駛返工, 早上本來可以訓超過九點鐘才起床, 但阿嫲突如其來的一個電話把我吵醒, 想訓多一陣都唔得. 起床後便食個早餐, 之後就係咁睇電視, 其實我好鬼死想溫日文架, 但係又無心情喎, 我想响星期二之前可以溫哂39-43課的生字, 然後再讚研一下那些文法, 但係… 似乎我辦不到了, 因為我太懶了!!!!

睇電視成為了我今天唯一做過的事, 但其實我都係斷斷續續的睇, 都唔係話真係好想睇, 只係諗唔到咩野可以做, 又唔想出街, 唯有就係落下街玩下. 我今日竟然玩左一次扭蛋, 真係好耐未試過了, 扭了一個keroro軍曹, 都幾得意吧, 拎返公司擺先, 可以裝飾一下我個坐位!!!

晚上勁玩PSP, 原來那個無聊馬騮Game都幾好玩架喎, 一玩就到無電, ha!!! 我覺得玩左一陣之後d手指都靈活左, 無咁遲鈍, 所以我越來越想買NDS啦, 但又怕我會過份的沉迷吧!!!

P.S. 今晚去左公園跑步, 比平時的爽, 可能因為太風的原故, 輕微的破左以往紀律, 跑了九個圈.