今日真係一個超忙碌既工作天, 從早做到晚, 但係… 好彩既係… 今朝早因為公司洗冷氣所以十點鐘至番工, 番到公司… 就見到SHARON了, HAHA, 我真係第一次見佢早過我番公司, 我應該要估到… 佢因為忘記左今朝十點鐘才上班, 所以先會早過我, HA… 但係… 我估唔到, KEKE!!!

從早到晚都忙過不停, 今日重燥燥地, 可能因為太太多野做的原故, 所以… 好快就到左LUNCH TIME, 今日重係過左… LUNCH TIME 先去食野, 最近都… 濟濟地, 同埋超熱氣, 我好鬼驚呀, 因為… 實在係太太多粒粒生左响額頭了, 其實齊塊面都有, 但係… 重災區係額頭, 面部兩旁都係嚴重架, 哎… 所以… 心情唔係咁好, SHIT!!!

下午…. 更是嚴重, 因為… 真係忙到七彩, 好鬼忙呀, 但係… 都真係好過無野做囉, 搞呀搞呀, 今日係約左CELIA 同師兄食飯, 真係唔好意思呀, 因為我遲左呀, 所以… 要CELIA自己一個去APM度行陣我先至可以出黎. 我去到APM, 都好想去Agnas b. 度睇野, 我都只係睇下佢有咩新產品, 其實都唔係點買, 但係… 我發現原來Agnas b. 出左專賣朱古力既店呀, 但係… 我總覺得佢唔係好好味架, 只係多左個b. 字印左上去, 咁就賣到十幾蚊一粒. 扼錢.

今晚約左師兄去九龍灣, 師兄提恴去大榮華, 原本都唔係好鐘意, 因為太太遠了, 大家又唔係好識去喎, 但係… 去到之後, 又好快有位喎, 咁就… 入左去食了, 我地叫左幾樣野, 有雞, 有魚, 又有菜, 仲有埋「賣飛佛」既馬拉糕, 還有一個師兄精選「豬油撈飯」. 我真係唔夠膽食哩碗飯, 都係白飯啱我少少. Haa. 但係其實我試過一口, 都幾好味, 不過真係無乜膽試第二口, 因為實在係太太肥了, 師兄好野, 可以食兩碗, 真係羨慕.