今日工作上無乜大的突破, 但係… 今晚就約左KAYAN, KALING, JESSIE, KYANI 一齊去唱K了, 哎… 去到都係等… 哎… 有時真好想發脾氣架, 因為成日都約實左, 但係永遠都唔會準時架喎, 有時都會諗「準時」係唔係我既錯?!?!?! 大約八點就同KAYAN先去開間房唱住先, 好彩我地今日早到咋, 原來外面係好大雨架, 仲要係… 超大, 好似有紅色暴雨, 所以… 我都幾安全架, 呵呵.

其實今日都有諗過唔黎架, 但係因為… 約左佢地就費鬼事取消, 自己好似成日都係咁, 其實咁樣… 係唔係重衰過遲到呢?? 好似又係喎, HA!!!!

今日我好似上左身咁, 係咁搶MIC唱, 可能係因為上個月過份壓抑了, 所以… 現在爆發左出黎, HAHA, 咩歌我都唱. 原本打算十二點走架, 但係… 因為我上左身, 所以先至唔願走, HAHA, 我都係第一次唱到唔願走, 結果我地四點幾先離開, 仲順便睇埋波添, 睇足兩場呀, 真係好正, 兩場都好正, 超正, 但係… 我應該睇完哩兩場之後, 要到決賽先至會有得睇了. 哎… 鬼叫無NOW咩???!