又黎到星期五了, 真係開心, 呵呵, 原本諗住今日可以早收工架, 點知… 到左臨放工, 又係話有少少野要做喎, 所以最後都係八點半收工. 今日係DANIELE最後一日留响香港, 真係有少少唔捨得, 好彩佢七月份會再來香港, 到時… 希望可以再見, 可能到時… 我又會走左, OR比人兜吧, 哩D野… 真係話唔定, AT THIS MOMENT, 我就真係好鐘意哩間公司, 因為實在太太好了, 我又鐘意外國人管理, 可以講野大膽少少都無問題, SO GOOD呢!!!!!

因為咁… 所以… 今日全公司就去左飲茶了, 其實真係唔知佢地鐘唔鐘食中國既食物呢?? 好似好鐘意, 但係… 又唔知係唔係喎, 有D佢又見到個樣就會驚, 所以… 真係好難知道.

今天係落ORDER既最後一激, 因為… 佢走左之後, 我地就好難可以再咁直接咁問佢野了, 每每都要SKYPE OR EMAIL, 做野係會慢好多.

今日約左阿儀, JOHN, BEN姐及JEFFREY一齊去飲野, 真係估唔到出到尖沙咀, 會撞到DANIELE喎, 呵呵, 仲係佢主動叫我架, 呵… 真係搞笑, 順便問下佢幾點飛, 叫佢JOIN埋我地, 佢又轉移左話題喎, 咁算吧, 佢又係難得一位唔飲酒既意大利人. 算吧!!!!

我地今次去左間MAXICO BAR, 都唔錯喎, 仲係… 幾好味添, 可以話係正呀, 叫左個PIZZA, 我覺得仲好食過意大利既PIZZA, SO GOOD. 飲左杯類似士多啤梨沙冰既物體, 真係… RING RING地, 知道自己咩事, 就會停了, 所以… 後期… 都係飲水為主. 今日一傾, 又了解多左KWE既情況了, 呵呵. 十點多, KWE既RECEPTION BO BO都加入, 我同佢唔係好熟, 但係… 都又計傾既.

大約十二點我地就走了, 留返JEFFREY同BOBO一齊响度傾. 真係暈暈地, 仲要係… 行路有少少擺, 呵呵, 好彩都係搭的士返屋企姐, 否則… 就唔掂了. 個頭真係有少少痛呀, 所以… 番到屋企涼都唔沖呀, 刷完牙就訓了.