每年我地既社團 " 5 樓 B " 過年前都會食餐團年飯﹗
雖然唔係年年人齊，但唔人齊都可以照食既~~~
黃大仙大成街市 2 樓既全記 ( 發仔 ) 
我地一向有去食開既，甘都係多得我地最大既功臣 Phil 哥既好介紹﹗
抵食就緊架啦﹗
我地之前通常都係去食小菜多，上年8月時安排過一次食海鮮﹗
個次真係好抵食，記得我地有成 16 個人，有 3 個生日。
睇下面個陣容幾鼎盛 
坐中間主席位個 3 條友仔知唔係我地既生日之星lor~~
個次我地16人但13 個人pay都係每人 $230 ....... 超抵﹗
甘當然要多謝 Phil 哥 一早出去係下面街市幫我地揀海鮮格晒價啦﹗
個次有咩食? 好~~ 去片~~~~~
有鮑魚仔、花甲、薑蔥炒蟹、蒸魚、蒜蓉粉絲蒸扇貝、開邊蝦 & 鮮魷 等等﹗
當然仲有其他小菜la，唔係點夠我地班大食怪食~~~ haha
 依度講少少題外話~~
因為個日有3個成員生日，甘我就買左久違了既 Ms B's Cakery....
傳說中既Ms B... 我已經係買差不多係Ms B入面最平既一個cake....
一磅五百幾蚊!!!  一拎出黎，平時唔食cake既男人都話要試下...
因為...
第一. 貴!
第二. 包裝精美, 支candle係好修長既金色造型... 仲有個絲帶又好靚﹗
(貪心既 "沙膽" 已經好沙膽甘拎左條絲帶留念﹗)
第三. 個cake個樣好精美~ 一格一格甘仲有個甘靚既butterfly~~
佢係好味既... 不過又未至於正到我會用依個價錢再買la... (除非又有fd好想試啦)
因為我食過既cake入邊，Grand Hyatt 既 綠茶紅豆蛋糕係令我最難忘，最好味既﹗
而且佢平過 Ms B 好多....
但Ms B 都好味既，如果你未試過，我都會推薦你試下﹗
人人口味唔同... 只係我特別喜愛綠茶味道jei... hehe~
講番全記海鮮先﹗
上星期六我地 5B group 團年飯，又去全記食海鮮la~
當然都係我地最大既功臣 Phil哥 幫我地去格價揀左d 靚海鮮la~
今次因為有個大肚婆 "美美" 唔食得海鮮，所以我地叫做叫少左少少野la~
其實我地今次無叫鮑魚仔，係唔知邊枱買左又無人認領，最後請左我地食﹗
Phil哥話今日d 鮑魚唔靚所以無買，佢既決定係岩既，因為真係麻麻，不過送既就算la~
先叫左 雞翼 & 豬排 當餐前小食等齊人﹗
正餐開始la~~ 有白灼蝦、枇杷豆腐、薑蔥麵包蟹、蒜蓉粉絲蒸扇貝、聖子 & 芝士焗龍蝦伊麵底 等等﹗
埋單每人$220~~ (已經計埋我地另外叫既小菜汽水啤酒)
真係超抵食又好味﹗
追加多一張相俾大家睇下~
最多海鮮個次 (除夕晚) ... 我都無去ar~~ 只可以睇下相la~~
|
)
