唉．．．我ｅ＋都唔知做公關做唔做得成呀！事因我琴日口快快講錯野，搞到比人話我一時一樣，唔知我想點？同埋唔知比唔比我做好？雖則，做公關係我ｅ＋既目標！但係如果唔得，都只可以怪自己口快快講錯野自己拎黎！不過，如果真係做唔成都唔會再留係到做架喇！當初選擇留低係因為想做公關姐！既然一份工做左一段日子都冇咩轉變，咁點解唔去試下其他新工作呢？何必重要繼續做落去呀？我覺得如果一份工，永遠做死一個位好冇意思呀！咁襯後生去試下唔同既工作種類，唔係更好咩？我相信一定可以帯比自己另一ｄ新體會。

　　雅．．．琴晚見到小學同學仔ｄ相，差ｄ認唔到佢地呀！個個都變得靚左，大個女左！就算行出街我諗我都認唔到佢地喇!因為真係要好留心好細心去觀察先會認得出。哈哈．．．只不過係短短５年既光陰而已！就有咁大既轉變囉喎！時間既力量真係大。哎呀!好掛住佢地呀！所以真係好希望佢地要出席１２月８號果日既聚會啦！

　　今日晚上，由於ｍｒｇａｒｅｔ有免費戲飛，所以我地去左奧海城睇戲，我好似好耐冇睇過戲喇！係戲院既感覺真係特別唔同ｄ的。我地睇左「東京鐵塔，我的父親，我的母親」！我覺得都幾好睇架！劇情主要都係講母親對兒子無私既愛無私既負出，兒子長大成人後亦好孝順母親，但係，最後令人疼心的是母親因胃癌而去世！我覺得母親係一個好搞笑而特別既女人一名，而父親就係一個怪人，當中有ｄ我都唔太明白！因為都冇講到，又要用腦諗既時候了！雖然，我就唔太鐘意最後母親都逃唔出死亡關既結局，但值得一睇架！因為真係好睇，當中亦有唔少笑話架！特別係個母親先搞野！雅．．．ｍａｒｇａｒｅｔ睇到喊呀！太感性了！我就冇佢咁誠張喇！我只係眼濕濕而已！幸好幸好，我還會眼濕濕，不是的話我就是冷血了喇！