唔經唔覺~我個Qooza開左一年喇...
睇返之前寫過既blog
嘩~年三十晚
n年之前既事
其實
我之前都想係一D特別既日子寫Blog
但係我始終唔係"勤力之神"
加上我寧願打機都唔想寫Blog
所以有好多值得記住既事都無寫
例如：大笪地、下學期考試、暑假既經歷、哈嚕喂.......(下省略n件事)
忘記過去，展望將來
之前既野唔記得咪唔好寫lo~(活在當下？)
----------------------------------------------------------------------------------------------------------------------------------------------------------------
又係個句la~
一如以往
我又送歌俾大家聽
----------------------------------------------------------------------------------------------------------------------------------------------------------------
大家有冇諗過
如果只係剩返一日命既話，你會做D咩呢？
睇明星聽歌？同朋友喪打24個鐘頭機？定係怕愛得太遲呢？
呢首歌可能會幫你諗到
送多首歌俾大家
------------------------------------------------------------------------------------------------------------------------------------------------------------------------------------
好喇
希望大家可以明白呢兩首歌既意思la~
今次講D咩好呢？(最近發生既事lo~)
咁呀~咁講統測lo~
其實真係唔係好想講
估唔到我一向成績尚可既數學竟然唔合格
得48分....(咁都講得出口？)
個時我心情真係好down
好想快D搵到老師改卷既錯處
其中搵到一條MC冇做
老師扣左我分(廢話..)
個時我真係好想
係個條MC既正確答案方格入面加個剔號
但係我始終落唔到手
(其實係因為我當時睇唔到其中一條無做，以為阿sir計錯我分，出左去問阿sir，搞到阿sir已經知道我個題無做..)
希望呢個唔合格警惕我以後唔好再唔溫數學
唔好以為自已好掂
返到屋企
我無話呢次測驗既分數比佢聽
廢事頭條又多一件家庭暴力...
無幾耐
終於要對分喇~
我被張紙條嚇親
數學科竟然無唔合格
我簡直唔相信呢件事
我即刻問阿sir
你係咪check錯分
佢剩係同我講
"數學老師係唔會對錯分..."
未對分之前
我一直都諗我應該點同阿媽講
唔知係我前世做得好事多
定係個天憐憫我
俾我合格
不過我一定會經歷呢一次既教訓
唔會再偷懶~
---------------------------------------------------------------------------------------------------------------------------------------------------------------------------------------------
啊
不過一件好彩
就緊係另有一件唔幸運
唉~
估唔到阿John同阿強係三人籃球唔要我
仲要係四強打贏我(20:9)
不過我又真係唔夠細葉打
人地剩係走籃都KO我啦
阿John、阿強
我下年一定要同你地一隊
但係下年Form4係高級組
點同D高Form打啊?
但願人長久，千里共嬋娟
---------------------------------------------------------------------------------------------------
希望D人會記得我個blog啦
只求cm
by清心•影
|
)
