唉！琴日打壘球遲左少少，搞到師傅要拎棍！仲有琴日打波，打到對腳好似唔係我的咁！真慘！今日都仲好痛呀！
琴晚打完壘球就沖左去睇戲！真係趕到我呀！我同家姐，同埋個「靚仔」表弟一齊睇，之後佢仲去我屋企住！好似打算長住咁呀！起碼星期一先會決定走唔走！！
今日又去左打羽毛球，我有陣時都懷疑自己係鐵打！打完成身都散晒！跟住又要去學琴！唉！整係朝早練個一陣，都預左會俾佢話嫁啦！但係今日呀媽接，俾呀媽聽到就唔好啦！
好彩miss都識做！講得唔係好差姐（俾我想象中好）！但係呀媽都要我練多D琴呀！唉！
跟住本來有得燒野食嫁，但點知落雨，搞到家姐自己約人食飯！我同屋企人+表弟食「天外天」！
聽日又要打壘球！我想去睇，但係我仲未準備好去打比賽呀！Miss Sin講得好認真，我爹娘知左之後又好想我去打，但係我真係唔想呀嘛！一陣全隊因我而輸咁點呢！？好大鑊嫁嘛！我點承受咁大的壓力呢！我同爹娘講佢地都唔會明嫁啦！佢地都係會答我「試下呀嘛」呢d答案！唉！搞唔掂呀！
點先有雙贏的局面！快d搵人打救我呀！