常仔愛的宣言！
愛係快樂的源頭！
愛可以令人快樂，
同時可以令人傷感！
不能再因愛而傷感！
珍惜眼前令人快樂的愛吧！
imshit : 個人主頁 - 相簿 - 訂閱  [ QOOZA - 論壇 - 登入 ] 人氣：2142
imshit
暱稱： 常仔
性別： 女
國家： 香港
地區： 大埔區
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•好病呀！超唔舒服！
•2009-08-26
•今日真係唔知咩日子呀...
•2009-08-12
•2009-07-30
文章分類
•全部 (14)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數： 14
留言總數： 75
今日人氣： 0
累積人氣： 2142
站內搜尋
RSS 訂閱
RSS Feed
2009 年 9 月 10 日  星期四   晴天


好病呀！超唔舒服！ 疲倦 分類: 未分類

我前幾日已經開始咳嫁啦！之後前日做完身體檢查之後就係屋企到勁訓，訓訓下，呀爸無啦啦嘈醒我，叫我去醫院！？叫我去睇急症！！！！真係嚇死我啦！我去到醫院等睇醫生個陣等左成個鐘，超想訓覺！！！跟住芷恩就打電話俾我，我同佢講我係醫院，嚇死佢同我娘親（學校）啦！佢地兩個真係好擔心我！！！放心啦！我已經好左好多嫁啦！唔駛擔心我！我會好好照顧自己嫁啦！我大個嫁啦！XD第三個知我咁大穫既朋友/同學就係我師傅！我同佢講我去左醫院，佢都好擔心，我feel到，雖然佢並演釋得唔明顯！但我都feel到！XD到左琴日，有好多人打電話黎關心我，有en、pk、芷恩、娘親、師傅、萱彤……但係我等唔到個個之前呷過醋XD既安仔打俾我囉！唉…真係心淡！去到夜晚，我就打俾佢順便同佢講我聽日同唔到夏娃食飯，但係佢又唔聽我電話囉！！唉！真係好差呀！我當時真係好失望！後未十點幾，佢打去我屋企，我一聽電話，佢就話『出左院啦！？』我差D唔認得佢係邊個啦XD，我以為佢係我既親戚，哈！我認得出佢之後，我即刻感到個心好溫暖啦！XDDD佢終於都有關心我lu嘻嘻！我個陣時口快快問左佢一句，『咪你都會關心我嫁咩？！』
不過我依家都好想有一個人會打俾我，問候我嫁，但係我知道佢一定唔會打俾我，所以我依家淨係想快D好翻，可以翻翻學咋！
發表時間：2009-09-10 03:47 PM  [ 訪客留言(12) ] [ 編輯日誌 ] [ 分享至FACEBOOK ]


2009 年 8 月 26 日  星期三   晴天


2009-08-26 不安 分類: 未分類

前幾日我同我呀媽個同學D女（D姐姐）玩左幾日，佢地係外國翻左黎放暑假！
係我要註冊個日，我見到黃家怡老師同我個班收成績表！我入到去放底成績表，就走得！超快！！我其實唔係好想佢係我班主任！雖然佢好好人，但我覺得佢個人好怪！跟住翻左屋企，又訓左一陣！就出左去蔡潤記同D姐姐食魚蛋粉！之後就去左釣魚，釣左一陣間就釣左勁多條魚！！但我一條都釣唔到跟住就去左忠誠食飯！食完佢地就去左我屋企打麻雀！！！我地打到深夜3:30！！！超累！！！佢地一走左，我即刻訓着第二日，我三點幾先起身！哈！好爽！
唉！到今日啦！我諗我仲未黑完！我今日起身就拉親隻腳條根，但都仲要練私鐘！但呢個何湘又拉親條頸，又唔打得私鐘！我勁叫佢翻，佢呀爹都唔俾佢翻，唉…練完就搭小巴翻屋企，自從上次，我再唔敢sit個個位，就算要sit最未（我最憎個個位）我都照sit，但今日又淨翻一個位，又係個個位喎！我搭車既時候就已經好驚，但好似又無咩野喎，跟住有人叫落車，人地叫落車係叫『xxx有落呀唔該』，但佢就勁拖長！佢叫『x-x-x-有-落！』又係女仔喎！真係嚇死我！之後我落左車，見到有一條燈柱寫住『吳淑儀、吳淑貞，上之欠款人，汀角村120號2/F，請以上之欠款人聯絡“高生：8200xxxx最後通知』咁樣囉！個地址係我屋企！！！真係玩野！我呀爹同呀娘依家都好鬼驚！仲話我地好危險，隨時都會有人唔知做D咩！唉…
我以後都係唔好sit個個位啦！
勁可怕，我想入個張我見到的個張紙的相俾你地睇，試左勁多次都唔得 ，但係我打完之後再想最後試多次就成功左喎！真係怪！就9係呢張！我呀爹以後都車我出出入入lu，都唔知呢D係咪叫幸災樂禍！
發表時間：2009-08-26 08:05 PM  [ 訪客留言(6) ] [ 編輯日誌 ] [ 分享至FACEBOOK ]


2009 年 8 月 12 日  星期三   晴天


今日真係唔知咩日子呀！頭頭碰着黑！ 不安 分類: 未分類

琴晚勁夜先記得師傅今日去旅行，之後勁夜先sd個sms俾佢
然後今朝勁早起—七點鐘，翻小學幫手，翻去幫手打字，雖然唔係好辛苦，但係好鬼悶！
跟住我要早走，自己一個踏上回家路！我好快就等到小巴，淨翻一個位！我sit左係一個女仔隔離，佢超可怕！！！佢無啦啦好細聲咁自言自語，係到講咩『唔駛驚喎……一定搞得掂既……』，隔一陣又話『但係都係唔好啦……你唔好亂黎呀……』類似既野！我以為佢傾緊電話，點知佢又無用headphone喎，對手又放係大腿上，佢完全無咩大動作！跟住，佢無啦啦又勁啤左我一陣，我眼尾見到佢啤我，即刻唔敢望佢好可怕呀佢，我同左何湘講，佢話佢可能撞鬼，真係嚇死我！
跟住翻到屋企就食左琴晚呀爹同呀娘一齊整俾我食既愛心飯盒！超好味！可能係心理作用啦！玩左一陣電腦就又要出街，去買埋未齊既書（翻學個D）之前同師傅去過商務，佢話無貨，所以今日就再同何湘去過啦，點知佢又話無貨喎！真係白行一趟！個陣時先三點幾，我同何湘打羽毛球打六至八，跟住就去左大埔中心，大埔廣場個邊HEA，之後見到伍曉同盧樂（Miss Sin個女同盧sir個女）之後就一齊HEA，然後何湘去左睇一個佢想買好耐既袋，但係佢唔夠錢，我就幫佢落住訂先，其實伍曉都買左過同款唔同識既，然後佢地叫我都買，搞到我都真係幾想買！我會買嫁！
到左打私鐘（羽毛球）我就好唔小心咁跌親，勁痛，流血，仲好似『魚』左咁添呀！跟住我塊拍就斷左線，就借左鄧端陽（呀Sir）個塊，點知打幾下，都斷埋！！唉！真係頭頭碰着黑呀！！！
希望淨係今日黑好啦，唔好再有第二日啦！
其實今日都有D開心野既，就係我買左彈結他個塊野—PICK，咁我練既時候就唔會左手指痛啦！！
發表時間：2009-08-12 10:50 PM  [ 訪客留言(7) ] [ 編輯日誌 ] [ 分享至FACEBOOK ]


2009-08-12 滿足 分類: 未分類

  今日我又係無無聊聊咁過！我係呢幾個星期做左好多野！
  上個星期何湘同Brian佢地去我屋企玩，跟住仲叫埋師傅佢地！之後一齊打邊爐！我地睇睇下電視，何湘就開始發作！無啦啦對住電視個女人勁笑！哈哈！跟住我地成班都一齊笑XD師傅幫佢起左個名，叫衰笑病之後有何湘佢地要走先，就早走左，淨翻師傅佢地！我地汁好野就上左房到睇超級巨星（上網重溫）其實個日我好驚佢地會玩唔黎嫁！好彩無事！不過果日師傅唔舒服！佢果晚翻到屋企之後，差唔多12:xx至1:xx到打去我手提！同我講佢肚痛唔舒服，真係嚇死我啦！我都唔知點算，所以就淨係係電話邊到陪佢咋！第二日我問佢有無事，佢話無事，點知原來佢發燒，唉…我又幫佢唔到喎，真係有D不知所措！！
  然後果日安仔同我講！話我成日打感嘆號，佢唔鐘意！佢話搞到好似句句都加強語氣咁喎！所以我即刻戒左佢XD都係件好事黎既！
  呢幾日，我係屋企到對住本書，係到自學彈結他！好好玩呀！但係禁到我手指都痛埋呀！都幾唔舒服嫁但真係好好玩！！！
  哈哈！我今日打日誌，都係因為一位成日擔心會考既朋友，佢晚晚都陪我係MSN到無聊，佢有野擔心，我就當然會盡朋友既責任，開解佢！我同佢講如果佢考唔到會考，就佢同我補習！有一定既收入先！佢即刻無咁擔心！哈哈！佢仲話我俾到好多信心佢！但係我真係一D信心都俾唔到自己！唉…         都係因為佢話想睇我既日誌，我先打俾佢睇，希望幫到你減壓！

我識既朋友，無論你地係考會考定高考！你地都一定會升翻去原校嫁！因為我信得過我既眼光，我唔會識錯人嫁！！加油呀！
『排除萬難，就會有奇蹟出現！』/『out of difficulties, make miracles!』
發表時間：2009-08-12 12:50 AM  [ 訪客留言(4) ] [ 編輯日誌 ] [ 分享至FACEBOOK ]


2009 年 7 月 30 日  星期四   晴天


2009-07-30 分類: 未分類

我琴日已經打算打日誌嫁啦！不過因為琴日個頭勁痛，加上有人叫我早d訓，先會好！所以我勁早就訓左啦！！！
講翻琴日！我琴日既琴晚已經做晒功課啦！好似甩左一身卡數咁！！跟住琴日練壘球，成班人，得六個人係到練，有一個仲要早走！=,=真係早知就唔出去啦，又要熱喎！！留係屋企訓覺好過啦！！
練完波之後就去左許留山係到吹水，吹安仔同譚譚既野！哈哈！佢搵到人地個MSN又唔敢ADD真係笑親我啦！哈！加油啦！安仔！所有事情都有一個最佳的時機！你一定要把握呀！如果唔係就後悔莫及啦！！
跟住講翻今日！琴晚教會個姐姐話今日要燒烤！我呆左，之後佢仲話今日既十點就會打俾我，叫我出門口！所以我就九點幾起左身！但係佢成一點先打俾我囉！！真係激死我！早知就訓多兩個鐘啦！唉！之後去到又無咩野玩喎！我表弟又吹我要早走！咁就唯有走啦！但係我又唔知去邊喎！我夜d又要打波，但係仲有時間喎！咁就唯有叫師傅佢地陪我啦！點知有一個要買相機，咁佢就唔得啦！之後問埋另外個個又唔出得街，叫我去買書！行到去大眾，點知無呢d書喎！我個FD就話要問佢先有，之後我就話唔問啦！因為我最怕搞d咁既野嫁啦！問完之後又唔知點！之後就決定去師傅屋企！HEA一陣就去左打羽毛波！練波練到我超累！
好啦！唔打住啦！我想訓LU！

 
發表時間：2009-07-30 01:04 AM  [ 訪客留言(0) ] [ 編輯日誌 ] [ 分享至FACEBOOK ]


1 | 2 | 3 | »