人地話「提早暑假，投奔初夏…」，我就話係「提早暑假，悶到死啦…」！
暑假日日困係屋企！娘親又放假，又要陪佢，陪佢都唔緊要，最重要係要同佢行街！都唔係唔知我最憎嫁啦！唉！
星期五翻學個日，除左提早暑假之外，我仲有一個唔係咁開心的消息！就係我班主任—Miss Chan要走啦！佢去考評局到做，唉！
雖然我唔係每一個班會的活動都有出現，但係我覺得我同Miss Chan係一D代溝都無！
Miss Chan同我地個組專題好傾得埋！雖然我地講多個做，之後又做得唔係咁好，不斷要改！但係最後我地係Miss Chan的領導下，點都做左一份完整的PROJECT！
即使我唔係第一次見到自己的班主任要走，但係我都好唔捨得！！！
MISS CHAN我真的捨不得你！！

今日本來係全家都放假，應該玩得好開心先係嫁嘛！
今朝一早就去左飲茶（勁悶），之後去左行街—又一城（最憎行街）！
本來我可以去打壘球嫁，雖然平時我唔係咁渴望打壘球，但係因為考試所以好耐無打啦！今日真係超想打呀！但係呀爹唔俾我打！
搞到我今日全部都唔多鐘意的！
好彩娘親都唔係第一日識我，同我食左餐好的晚餐！我地去左食海鮮！我食左勁多，個晚餐算係我今日最開心的野黎嫁啦！
但係我今日真係好想打壘球呀！！！

我今日係第一日打QOOZA，本來諗緊要點樣HEA埋呢幾日嫁嘛，無啦啦就大剎風景！
竟然俾我遇上D勁火爆爆的事！
本來我地成日傾電話的，但係我地點知佢要交咁貴的電話費喎，佢呀娘竟然無啦啦打來勁話我地囉！
有病嫁都（佢呀娘）我都未見過D咁無品，賤格的人嫁！（佢呀娘）
真係可惡呀，完本開開心心的假期俾D賤人破壞晒（佢呀娘）

（其實佢無話我嫁，淨係話我個fd，但係我都唔知點解會咁火！）