我發現左自己原來係一個只要有計劃就會去做既人黎嫁！因為前日，我個娘親（學校）佢同我整左個時間表，入面有勁多時間都係做功課嫁！我以為自己會做唔到啦，點知我做到，有時間剩下，我仲做多左D添呀！我好開心呀！因為佢同我整完個張野之後，我真係開始做功課！我之前話做，幾個星期都只係做左幾頁暑假作業咋！真係要多謝娘親呀（學校XD）
    我今日又要去學琴！唉！俾佢散到立立令呀！！佢又話我要多D練琴！唉！
    我學完琴之後，記起平時星期二、五要打壘球，但今個星期唔駛練，搞到我忽然之間好似有D想打咁！難道我真的對壘球產生興趣？！唔係掛！？但係講真我依家的確覺得壘球幾好玩既！但係我既家人一定唔俾我放棄羽毛球嫁！所以我都係專心打羽毛球啦！
    跟住我今個暑假既任務—買書包！終於買到Lu，我覺得佢好閃，都幾搶眼！不過都幾靚既！！哈！
    夜晚我去左平時出出入入都經常經過既三門仔食海鮮，都ok好味既，但係我都係覺得西貢好食D！
    我依家淨係好想睇哈波六咋！不過我諗星期日既計劃將會告吹！不過算啦！個D可以等佢出碟先睇既，但係星期日就一定要同（你地）玩嫁啦！（你地）千其唔好甩我低呀！！之於film review就唯有睇第二套戲Lu!!!!!