02/09/2013

好耐冇打過BLOG-_- 係時候打返BLOG記錄下自己既生活.
# 原來係我心入面有個好重要既人 黎個人就係你.

自從中畢業後好少再搵你 就算搵你都係打下波咁 食飯真係好少.
今日兄弟約我出去食糖水,當然問你有冇係到啦. 因為我真係好想見到你.
知道你都去既時候我係幾咁HIGH, 我既興奮係無法遮掩
一直都好想好想見到你 出完街返屋企啦啦聲執返D眼耳口鼻
食埋飯坐定定咁等你WT APP  見到你話叫我去先 你話食緊野沖埋涼先出 會遲D haha..
咁我當然話我都食緊野啦, 等埋你先出 其實係一個藉口.
因為好想同你一齊出去既時候好好享受一下2個一齊既moment 
就算俾兄弟鬧又點啊因為係開心既:)  2個人既時候傾左好多野 講下黎d講下果d咁 幾耐冇試過.
由搭車到落車到慢慢行過去既時候我諗我係最enjoy係黎一刻 唔知點解好想講你成個人hahaa.
最後我都講左出口, 從來冇話過你瘦 今日我竟然同你講你瘦左 你就係到暗爽 先生你做乜咁開心hahaa.
今日你黎個look真係好搞笑 特別係你頂帽 雖然好唔襯你但又好好睇? 黎d叫咩? (情人眼裡出西施囉 hahaaa.
去到食糖水真係有好多話題,聽你講比賽 返學既野 令我更加知道畢業後既你係幾咁充實 hahaa.
我話3個食同一樣, 你話個個唔同先好咖嘛大家又可以食d haha, 點解我永遠都係敗係你手上>////<
講到去打邊爐賭錢返大陸食放題 其實真係好想快d到黎一日. 因為真係好想好想見多d你.
你一路講比賽其實我好想去睇, 好懷念以前係學校你有d咩比賽我就仆住去睇 就算幾早幾晚我都唔放過.
好想係旁邊睇住你認真既樣 好想睇到你贏果一刻 究竟幾時再有咁既機會?
坐係糖水鋪到吹左勁耐水, 連d fd既wt app都唔理-_- 真係對住你我先做到.
幾時都話你係最明白我hahaa 電話wt app係咁響 兄弟問我你個WT APP RINGTONE係咩黎?
其實唔只兄弟咁問個個都係咁問,但得你一個會答到 佢WT APP RINGTONE一定係佢鍾意韓國團D名囉.
嘩, 你真係好叻仔. 果刻真係好開心, 個心諗點解你會知咖>////< 真係想喊出黎hahaa>
我同兄弟講1月我可能去韓國學跳舞要半年先返 兄弟叫我快d去hahaa 但我我見到你個樣好無奈 之後仲要唔出聲
其實我真係會好唔捨得 好唔捨得我身邊既兄弟朋友同埋你.
食飽返屋企最開心既係我地3個都係同一條邨仲有排傾 傾傾下傾到帽 話聽日上我屋企揀hahaa.
嘩不得了, 上得我屋企一定走唔到, 因為細佬同媽咪勁鍾意佢-_- 唉 hahaa.
又講到newbalance 竟然我話想要樂仔果對996 你竟然買左-_- 點解可以咁? 我鍾意你又鍾意-_- 
又講夾band真係無聊到咁但i like it hahaa.  又講申請公屋 點解可以飛到咁遠? XD
到落車真係十萬個唔捨得/_\ 但唔緊要聽日仲有得見 係開心既.
返到去係M記搵爸爸 俾爸爸話我hahaa 一見到佢就咩都唔記得\3/ 女仔就係咁一見完自己鍾意既人真係會唔同晒.
同爸爸吹左陣水傾左好多野, 身邊最好既朋友同了解我既朋友非爸爸不過.
我同佢講我話我都唔知點解會俾佢吸引住-_- 爸爸話每個男仔都有一樣吸得到女仔既魅力.
其實我又覺得岩, 因為你俾到我好大既安全感同信任 根本唔會擔心會走左去:D 
其實過左咁耐最後都係放底唔到你, 係學校已經3年 連學校入面既人都知 不論老師同學 仲有好多既回憶.
到依家經歷左咁多野我明白到timing唔岩就唔岩, 就算大家對大家有feel又點? 錯timing就係錯左.
其間鍾意過2個男仔同埋2個想同我一齊既男仔 到最後我選擇既都係你.  
我唔想因為佢地係你既代替品面揀佢地 我唔想hurt黎2個人. 而遇上黎2個鍾意既男仔 竟然係佢地身上係搵唔到你俾到我既安全感
你就係有一份好special既野去吸引到我 可能係因為我太了解你 信得過你 所以一直都放底唔到.
黎半年令我諗通左一樣野, 如果有一個人係你心入面好深好深既置位就係你最愛果一個. 
曾經為你做過好多野 但我唔會放棄 我會繼續咖:D 因為我知道時機到啦hahaa.
其實真係開心到訓唔到 anyway see u tmr lah dream man<3