今日，數學科測驗，我已經提前2,3日溫習，但做測驗的時候好大意，一題好簡單的問題，
我因大意而冇做到，後悔自己的唔小心，但應該合格，這才感覺安心．．．
之後，有兩堂體育科，打排球，我在玩野，阿SIR佢又ｓｍ我。我有時會覺得，
阿SIR你我雖然都係玩得之人，但有時你真的令我失去了我的尊嚴，你令我出醜！你玩我！
我好樣衰∼但我知道，阿SIR不是有心，只是覺得我玩得起，好像什麼也沒所謂的．．．
於是就不停地捉我來玩捉我小錯處來罰，雖然我都一一接受，覺得大家都係玩得之人，
何必根根計較呢？！但今日，不知何解，他冇啦啦用個排球擲我屎忽，我好嬲，
我氣沖沖地講：【喂！你以為你係阿SIR就有權擲我屎忽嫁喇，你有咩野資格呀！！】
他當時Ｏ哂咀，望住我完全不懂得反應，這個樣子我從未在他臉上見過，勁尷尬∼∼
當時我即刻又心軟落來，變回平日好似死狗的我，向他道歉又"菊弓"．．．．．．．
我覺得自己好冇用，我知他錯在先，但有今日都是我一手做成的，當初佢不太喜歡我，
我不想這樣，就改變自己的態度，服從佢，尊敬佢，我當佢是老師。慢慢地，佢接受我，
但卻令我有時像失去尊嚴，心裡不太滋味，但我喜歡ｐｅ科嘛∼ 痛苦呀．．．
想一想，我還是繼續吧！．．．因為我就是這樣的一個人，是蠢還是為他人作想呢？？
我也不知道．．． |
