星期日，瞓到11點幾就起身，但其實我仲好想瞓覺，難得有睡好瞓，但我話俾自己聽，

如果繼續瞓落去，今晚又會好精神，之後又會瞓唔著，所以強迫自己起身，雖然打左幾千個喊怒，

但為左今晚有著落，頂硬上啦．．．成日無所事事，拿本書出黎睇睇下，超眼瞓，呢排真係唔中

意睇書，睇親都好想瞓低，唔知點解，睇書睇得好辛苦，暫時完全冇興趣。

打機，用秘技，必勝既秘技，升級升得好快，但咁就冇左個樂趣，但都繼續用，因為打大老果ｄ

真係要高級ｄ先夠打，但好升得好慢，於是升呀升．．．無聊後，食晚飯＋睇九種人格既節目，

睇完都唔知自己係邊種人格，我諗大概都係幾好既人格既，我覺得自己對人都幾好嫁，

但我諗我只可以對某幾類人係真心既，其他既，就好難講，對住自己唔中意既人，

有時我都會變得幾假，唔係講大話，只係唔會講出心裡真正既諗法姐．．．（完．．．）

　　　　　智障,生日快樂~　　

　　今日返學前收到個電話，於是就即刻坐飛機返學．．．到達，並成功完成任務。

返到課室，就發現到有ｄ野唔同左，原來我唔記得帶手錶、手提，又帶錯水樽，

係勁大頭蝦．．＾ｏ＾　平時日日都會記得做既野，今日一次過忘記哂∼點解呢？？

Engx2：有聽書,但好易就心散...於是無無聊聊又兩堂......

Recess：落左去食野,飲熱朱奶,原來熱朱比凍朱甜好多嫁...

中文x1：勁比心機聽書,因為最中意上中文課嘛~唔比心機,其他堂仲會聽咩....

Mathsx1：聽書聽唔明,miss左好多堂喇~因為堂堂maths堂都掛住傾計,勁爆笑,

唔傾唔舒服,笑料實在太多.....

Recess：教人玩一個簡單既魔術,好有成功感....

Chemx2：第1次唔想呢兩堂咁快過,傾計傾得好開心囉,好似有講唔完既話題,

講d野又爆笑,加上本身對所傾既內容就好有興趣,實在過癮過癮...

lunch:落左葵芳食,用左我成$20,果間店又熱到死,食得唔係太舒服.......

Artx2:可能係琴晚晏瞓,撐到lunch後已經好勀,完全冇心機講野,不知不覺瞓低左,

進入夢鄉去......瞓醒時已經係落堂,放學lu,但依然好想瞓......

放學後,游盪左一陣,去搵肥仔......之後返屋企拿羽毛球,打左陣,又歸家換衫......

去左機鋪睇人打機,同駿試左一隻新game,$7玩一次 ,勁刺激,但好短暫,

0o快樂總是短暫的o0.....之後去西九龍join智障佢地,6個boy,上奇趣天地玩,

一般好玩,唔夠投入,冇熱身夠,始終係差左d feel......之後落去食壽司,

班友都傻既,一開始就勁食,好似餓狗搶屎,爭住食,但佢地食量強勁,我完全冇得揮...

食下kai下,其實都好悶,始終有d人唔係太熟,玩得唔夠投入......10點幾走人,

又去左機鋪打拳王,vs駿,win左佢,但其實我好廢,但佢只不過係廢過我之嘛~哈.....

之後hea下,唔知去邊度玩,最後返左葵芳足球場,係度玩,勁傻kai,好玩唔玩,

我地玩姦人,阿風勁好笑,扮得最似又最投入,差唔多個個姦哂~我笑到掉左個肺,

假牙都差d掉左...^o^  就係笑死人囉....之後1點幾走人,係happy ending黎既,,

只係真係好勀,沖完涼就即刻爬上床瞓死佢.....