今日家長日，叫左老豆同我一齊返學，今次係第１次同老豆一齊家長日。好早就出

左門口(10:05a.m)，早左差唔多半個鐘。去到學校，得１個家長見緊，我同老豆坐係

度，冇講野，等．．　等左10分鐘，有其他人黎左。於是就到我地，入去講左一ｄ幾

廢既廢話。老豆好客氣，Miss劉對我無話可說，講左唔知有冇5分鐘，就走得。我叫老

豆走先，自己上返樓，去"關心"下同學既成績，其實我只係唔想返屋企姐，日日留係屋

企，成個人都生哂塵埃，發毛lu...見到幾多人下，幾個男仔討論學業成績，有講有笑，

時間好客易過。之後JS話要走人，於是個個一齊走，佢叫我同佢＆佢媽媽一齊去買衫，

我拒絕，因為唔係太好意思。返屋企，逼走阿妹，成功得到電腦，玩勁舞，依然係一個

超新手，於是整下個日記，本來整左個新日記，但可惜新既日記並不能上傳歌曲，放棄

左，用返呢個日記，唔知點樣可以令佢變得靚ｄ，試下一ｄ方法去整，但依然係唔識，

整左少少。玩電腦玩到無癮，去瞓覺．．結果比老豆插起身食飯，心頭唔係太好滋味，

苦苦的．．

　　唉∼我明顯地感覺到自己的內心空空的，問問自己，我欠缺什麼呢？我答不出來，

好似其實根本什麼都沒有，有肉體，但無靈魂，沒有什麼知覺，都已麻木了．．．

真實的感覺，丟空太久，我怕會被幻想的世界困着，想的太好，事實卻太殘酷．．

好似再沒有事情值得我去興致勃勃，想像的和現實中相差十萬九億里遠，很遙遠，

很遙遠，像是一個永得不到的奢望，痴心莽想就是我這一種人，幸運女神從未結識過，

幸運總離我很遠，機會或許在我身邊，但我總不能捉緊它．．．

＊＊＊＊只想得到多點關心，就算只得一句問候語，心亦能滿足＊＊＊＊

　　今日自己一個人係屋企度過。10左右已經起左身，但我並唔想起身，於是聽歌，

聽聽下，又想瞓返，聽到12點幾起身。阿媽又燥低，一起身就聽到轟炸，．．．．

入廁所，得閒無聊沖左個涼，沖完食蛋+午餐肉+白粥+白飯，都唔知係咩黎嫁，

總之醫到肚就算啦∼∼屋企有家姐、兩個妹、我，冇幾耐家姐走了，大妹走了∼

得細妹、我，但４點左右，細妹又走了，得我一個人係屋企玩電腦，睇左一陣金田一，

但好快無癮，於是係咁打機，黑色陰謀，升到１級，有新裝著，但做任務死左幾次，

有少少燥火．．．之後玩勁舞，依然係廢到加零壹，又唔玩lu...幫手開飯，

開開下去用左陣電腦，阿爸見有機會，就走過黎係咁插我，話我冇手尾，

做野做到一半，又咁咁咁...又係食飯，都唔知自己食左ｄ咩落肚，總之就係可以飽肚，

食左就唔駛肚餓，就唔駛難受。飯後就睇"爭霸"，今集大結局，越國打敗吳國，

夫差死得好慘，佢既下場係知道左原來一直心愛既女人＆好朋友都唔係對佢真心，

都係想對付佢既人，我覺得夫差好慘，死左都係一個好既解脫，起碼可以留返樽鹽，

但我就想打死越王喇，呢條粉腸，只能共患難，不能共富貴，賤人！！

最後個結局其實都幾好睇既，睇完係會令人思考人生，感慨一下自己既生命係幾咁渺小

．係一粒塵！但呢粒塵原來唔係可以跟隨風而起，因為佢四周有好多塵，佢係被壓係最

低既果層，唔係話想點就可以點，因為佢不能自主，可以做既就等待吧，但等咩野？

等可以隨風而飛，看看呢個世界係唔係想像中既咁美好吧．．．