今日18~21度,係咩野冬天黎嫁?!但呢種天氣我好中2,原來要著校服,但我既心情話

我知,我今日好想著PE衫,所以就著PE返學喇...都幾任性^v^...

　　返到去,原來要做地理&phy,完全唔知要做囉。於是即刻"參考"好同學既功課,

話咁快,一份整齊正確既功課就出爐lu...勁有成功感,win~~而地理因為冇就"參考",

係要用自己既意見作答嫁,成張ws都係喎~睇左幾眼,就覺得個頭暈暈地,唔做lu...

地理堂悶悶地,無聊中;西史堂最記得william wong講左一句話,佢話:{細細粒,容易食,

嗒下嗒下,好快食哂~}呢句話好似冇咩野人聽到,我講返比人地知,人地仲以為我吹水..

phy兩堂聽歌瞓覺,瞓到雙手雙腳都麻痺哂~~feel到勁多粒粒不停起,又痛痛地...

好耐未試過咁樣,睇黎今次瞓得好好..無無聊聊,又食午飯,又係自己一個人,又係果一隻路,

返到屋企又係四面牆,又係果d餸,又係自己一個食,食之無味也.....

　　今日有人上我屋企安整新既廁所門,都幾靚嫁~~但又係果隻木色,呢下就令我討厭,

成屋都係果隻色,睇都睇到悶到嘔...嘔...嘔...瞓喇~~早抖~!!~

　 今日唔太好玩∼∼小息既時候食"多屎"，ｄ屎真係好鬼多，多到流哂出黎，

多屎多屎．．果然名副其實！！之後鍾偉時無啦啦話請我食糖，我＆劉盛ｏ哂嘴，

話咁好死既．．唔知係唔係佢良心發現，知道我平時都對佢幾好呢？一定係啦，

於是買左一條新糖，一條５蚊雞，好多人幫我"分擔"，多謝哂喎∼∼

　 今日MATHS堂非常比心機，計數，寫寫寫．．．又有少少爛gag，唔算難過。

放學後，又係自己一條友行黎行去，冇見到熟人，行行下，見到低ｂ同吉川傾緊計，

我過左去傾左陣。悶悶地，話去打波，好！但好少人打波，完全冇心情打囉∼

於是決定走老，返屋企...返到去睇"我們這一家"，今集幾好笑下，睇完就做功課，

但好快做完，然後溫書。聽日要默中文背默，溫中文，唔知點解，會咁早溫囉，

平時既我一定會聽日先溫嫁∼更過份既係，我連星期五要默書既英文都溫左，

天呀∼我轉死性呀？？（係呀∼你轉左喇！）再然後，我去左洗碗，好耐冇洗過lu....

又再然後，我竟然主動走去幫阿媽煮餸，幫佢準備食物，唔知自己想點？！

呢ｄ野平時都已經唔係成日做，但今日竟然一次過做哂！乜鬼事呢？"鬼上身"?

而且今日同JS傾計既時候，仲話聽日一齊溫書添∼我諗我知發生咩野事喇！∼∼

可能係我真係覺得自己好廢，無論係讀書．廢;技能、無;強項、無;追女仔、廢，

試問自己有咩野好？諗諗下，好既只是自己對人都幾好，其他各項野都唔係廢到極端。

我係一個好平庸既人，有諗過點樣令自己突圍而出，諗到既真係有好多，

但可以做到嗎？冇恆心，冇強大推動力，冇人全力幫忙，靠自己吧啦！但太辛苦喇∼

屋企有好多兄弟姊妹，阿爸阿媽都唔一定需要我養，我自己又冇野心，

對生活冇咩高要求，求既只是平穩既生活，間中有一ｄ快樂衝擊，同個靚女朋友，

開開心心既，一生何求？求簡單就足夠了．．．．