今日係一年一度既運動日，我晨咁早就起左身（６：３０），好眼瞓，但約左ｊｓ去ｍ記食早餐，所以就跑落去葵芳，

由於仲未整理過自己ｄ眼耳口鼻，個樣實在太柒喇∼於是就盡量躲避別人既目光，唉．．．返到運動場，埸面好熱鬧，

但我卻覺得好鬼悶，好快我就去比賽擲鐵餅，結果係因為第一次玩，獲得輸既收埸。之後冇比賽，睇人地比賽；啦啦隊跳舞，

係時候食飯，肥仔、飛飛、華華同我一齊去食日本野，大家齊齊叫左同一種飯，一上桌就狂加曼魚烤醬，各人一大堆，

一支維他奶般大少既醬被我地四個消耗到只得５分１存下，而我地就摸摸成肚醬既肚皮講好好味，嘻∼好過癮．．．

　　返去比賽，跳遠+推鉛球，兩邊埸走黎走去，推鉛球先，我係第４７個推鉛球既，到我時我用力一推，

竟然推到排第二至四名既果個，嘩∼好勁呀∼但我因為隻腳未好返哂，唔小心失去平衡，雖然推兩次都有好成績，

但兩次都失去左平衡，死人腳，嗚．．．算！去跳遠，但隻腳卻一ｄ力都用唔到，助跑得好慢，又輸左，

總結我係獲得大敗之名，唉∼算啦，都估到係咁既結果。之後好累，冇得瞓好慘，放學後諗住返屋企瞓覺，

但因為有得打籃球，所以我就打波，出埸打左一場，邊打邊頭暈，係眼瞓嗎？？不！係眼瞓+太累喇∼

但都唔理，打多半場就同ｊｓ買野飲，之後去返運動場傾計，６點幾返屋企．．．．．．（完......）

　　　　　今日有三大奇聞發生左ｏ係我身上，大家要做好心理，唔好比佢地嚇親呀．．．．．．

第一單奇聞：第二個小息既時間，因為下堂要用ｍａｔｈｓ書，於是我過左隔離３ｃ班『問』陳國立借左本書，

　　　　　　之後行出班房見到劉盛峰好開心咁同肥佳傾計，於是我呢隻小惡魔就靜靜ｏ地走到佢身後，對準佢個屎忽，

　　　　　　用ｍａｔｈｓ以４５度角由下以上極速揪擊佢右邊既臭屁股，【啊．．．】我大叫，點解？？

　　　　　　因為本ｍａｔｈｓ飛甩出街，從３樓直墜落至球場，【啊．．．】唔知哪裡傳黎一聲慘叫，驚唔驚？驚唔驚？

　　　　　　好鬼驚呀．．．之後我就飛奔落球場，發現......死左！？oh~my god!! 一隻剛好路過既白紋依蚊甲小朋友，

　　　　　　被我本飛甩書擲死左，嘩∼我係殺蚊兇手呀，我唔要坐監呀...唔要呀...但結果竟然無人拉我坐監．．．．．．

　　　　　　你話係唔係【奇】？係∼奇．．．很奇．．．

第二單奇聞：今日上ｂｉｏｌｏｇｙ堂既時候，無意中發現左一副骸骨，大家睇下呢兩張圖片：

　　　　　　經過我詳細既觀察，發現死者係年齡約１４∼２０既中國藉男子，致命傷係頭顱頂被利器強行開洞，

　　　　　　無被侵犯過既痕跡，應該是一單純兇殺案，由於死者已死去多年，殺手亦逍遙法外多年，故知情人都無理會，

　　　　　　結果成為善德十大懸案之一．．．．驚唔驚？驚唔驚？好鬼驚呀．．．善德有爛鬼死人頭呀......再次叫:好驚呀...

第三單奇聞：我放學去左ｔｕｃｋｓｈｏｐ坐，Ｊｏ２突然拿出一袋好特別既食物出黎比大家，我食完後就決定稱之為：

　　　　　【男女人形狀多數斷頭無糖香噴噴脆又鬆化但好好味曲奇餅】，（試下一口氣讀哂佢.....）勁呀∼Ｊｏ２萬歲，

　　　　　　驚唔驚？驚唔驚？下∼有咩野值得驚呀？呵呵...驚得很！如果ｄ曲奇餅被其他人咬一口，佢地就一定會上癮，

　　　　　　之後人傳人咁傳到去世界一級飲食家既耳朵，佢地試過後就會齊齊封Ｊｏ２為曲奇餅至尊無上ＶＩＰ女王，

　　　　　　之後我就冇機會再食到Ｊｏ既好好味曲奇餅ｌｕ．．．嗚．．．驚唔驚？驚唔驚？真係好鬼驚呀......

                  噢~驚過頭，唔小心尿濕到成條褲都係尿尿添∼好害羞呀．．．阿媽，我.......   (完......)

                  　　　　←　光天化日下，兩個男生如此地親密，接吻嗎？？斷背呀？？

ｇｏｏｄ　ｈｅａｒｔ　ｇｏ　ｈｏｍｅ　ｊｕｓｔ　ｓｌｏｗ　ｓｌｏｗ　ｄｏ　ｌａ．．．