今日瞓到１點幾先起身，照鏡時發現到有兩個大眼袋，一副衰屍相，行出街隨時嚇死幾件，如果去拍鬼片，

一定可以拿到最佳特效獎...好彩今日我唔出街，留ｏ係屋企做隱蔽青年...之後冇咩野特別事發生，只是食晚飯既時候，

我好主動咁引阿爸同我講野，唔講就無乜野，但佢一講就好激動，真情留露，我自己都聽得好感動，知道阿爸為左我地幾個仔女，

付出左好多好多我地都唔知既野，母親係好偉大，但父親亦好偉大，但我一ｄ都唔偉大，讀書又廢，又冇才華，唉∼

好失敗ｔｉｍ∼不過算啦...總有一日我係會腳踏實地做個乖乖仔...唔駛幾耐就會好好努力架喇.... (完...)

........呢兩個人係邊個呢?? 佢地想做咩野呢??

　　今天起床便知道大事不妙，天氣突然轉凍，鼻感敏即時發作，【哈此．哈此...】流下一條鼻涕，死梗！！

返學校做功課，又擔心放學既中文測驗，前晚又兩點幾先瞓，流水依然流個不停，眼皮只覺如千頓般沈重，救命呀∼

但因為之前已沒有溫習過，所以盡量迫自己提起精神，努力溫書．為左我地之間的約定。ｃｈｅｍ堂做左一件大事，

就是我合上眼，手指互扣，向神求救。我姐姐是一個基督徒，她曾教過我這樣做便可願望成真，我每次都對她說我不會做這種事，

因為像對空氣說話般。結果今日我便做了這種事，可能是因為很重視這次的測驗吧！之後的心情就沒有太緊張了　^-^

測驗開始，一邊做一邊吸回快流下的鼻涕，自己亦覺很嘔心，但問阿ｓｉｒ救助卻得不到幫助嗎...唉∼苦命人...

之後放學打波出左ｄ汗先好返好多，６點９去聽講座，實在太令人髮指喇，校長講ｄ野由原本悶的完全體升級至極悶的究極體，

連一個失眠千萬夜的病患者亦能把他悶到昏睡不醒，功力的深厚教我『欽敬欽敬欽欽敬』．．．．．．肚子餓得令胃酸激增，

肚子有輕微的疼痛，又是一個苦命人...回家食飯，感謝媽媽煮了兩個出前一丁給我吃，加上少少五香肉丁，味道一流。

【世上只有媽媽好，有媽的孩子像個寶．．．】這首歌便在我的心裡默默唱起來。　　　　　（完．．．）