虛擬世界;變幻莫測`

祝各位聖誕快樂;>

今年聖誕節都沒什麼好做拉;待在家玩電腦吧:]如非必要都不會上街.0.``

而家要好好計劃同人打番波xP`因為實在太多不快要發洩v0v``

希望到時打爛左塊籃板學校唔好要我賠錢哈哈;>

睇黎我真係要比心機讀書嘞;因為我依家咩都冇啦-\/-唔讀書仲可以點~_~

而家要多d同E班既人一齊玩一齊讀書開開心心讀埋呢3年{如無意外的話-\/-}

希望E班既人可以幫我成績好d-\/-!但係近排好多野煩..唔知專唔專注到讀書方面`

尋晚軍爺同苑苑為左我鬧交{軍爺同苑苑為我親父母也}..好唔開心..咁岩fb又有人狂插;

應緊fb果陣又聽到軍爺鬧苑苑..唉..想喊又唔喊得..根本就係兩邊夾攻..

如果我唔係第2次整唔見銀包咪好囉..咁樣苑苑就唔洗比軍爺鬧...

軍爺成日都話苑苑好縱我..搞到我唔識得打理自己又呢樣又果樣..

呢d都算拉..鬧完咪算囉..仲要爆哂粗咁鬧..果陣時我真係好希望我係苑苑..

我寧願比老豆用粗口鬧....我唔想今次為左我佢地又搞話要離婚..兩年前又係咁而家又係咁!

軍爺就係咁..以前係黑社會而家唔再做大佬唔再痴d呀叔..近排又痴番..

仲成日出旺角油麻地尖沙咀果邊..夜一夜先番..有時佢夜番仲搞到冇買送要食杯麵..唉..

記得軍爺喺我幼稚園果陣都仲係痴住果d人..又吸毒又打交..晚晚都係夜晚2點幾先番屋企..

但係我升小二果陣..苑苑叫佢為左我為左家姐唔好再痴果d人同埋戒毒..佢都有做..

果陣我真係衷心覺得佢真係全世界最好最顧家既老豆黎..

雖然係成功戒毒..但係而家都仲有食煙;唔多好..no good`但係最衰既..就係佢真係好爛賭...

結果有一晚...佢番黎屋企..同苑苑講話佢輸哂d錢..200幾萬一夜之間..冇哂..之所以而家都係靠拎綜援..因為我老豆比人炒左..

個底又花..又冇學歷`冇咩人肯請佢..唯有靠苑苑出去打工{當然係做清潔}但係要好小心..因為比人查到冇申報會坐監..

之前都試過一次..苑苑比人拉左入去..坐左一個月..好記得係我升中果陣個暑假黎..果陣真係好辛苦..好難捱..

成日要去大欖懲教所探苑苑..係日日都要去..

我真係好記得有一日..係好深刻..因為我地去到探苑苑果到..有個女人同埋一個男人..同軍爺講..

話"你真係24孝老豆..咁為你3個女..又唔怪你老婆"之後佢又講番..話佢個女係衰運毒..所以要入黎坐..係坐4年..

但係佢都冇怪佢個女..因為..大家都係一家人..同埋唔做都做左..應該諗辦法令佢搵番自信心..唔係要怪佢..

之後佢又同我講..叫我唔好怪媽咪..媽咪錯左一次唔會再錯第二次..要原諒佢..

果陣時我只不過係小學生..我只好點下頭..但係之後諗番..媽咪根本冇錯..我亦都唔會嬲佢..係嬲既都係嬲告佢既人!

結果到我去中學報到果日...我都係自己一個去..我好記得果陣係張俊英對住我..佢問..

"咦呢位同學..你屋企人呢?你自己一個啊?"我果陣唯有答佢話..佢地唔得閒..唔陪得我黎..

其實就係因為媽咪仲未放出黎..軍爺..家姐同細妹去左探佢..

之後第2日我都係去番探苑苑..佢地果陣凈係比兩個人入去探..所以我同老豆入去探苑苑..家姐細妹留喺外面..

我一入到去..我即刻拎起個電話同媽咪講..我好掛住佢..我想佢快d放番出黎..又問點解d人要咁衰告你..

仲喊到收唔到聲..記得隔離果個女警都有喊..不過只係我知..

媽咪同我講話..佢好快就放番出黎..叫我唔好喊..堅強d..聽日{9月1}就番學喇..識多d朋友讀好書要開心..

結果到左番學果日...都識左ok多朋友既..但係當我玩得好開心果陣..諗番起苑苑喺監倉入面..受緊苦..我就想喊...

番左學冇幾耐...苑苑要上法庭開審..逼不得已要請假..之後d同學同埋班主任問番我咩事..我老豆叫我講話去拜山..

就算平時要打電話比家長班主任問我點解凈係得老豆聽電話我都要話媽咪上左大陸..真係好辛苦...

結果苑苑放番出黎..我記得果日係慶祝佢放番出黎..真係好開心..個官話媽咪冇事果陣..

我同老豆真係開心到喊..仲比個看更叫細聲d..哈..冇計啦真係開心家嘛!媽咪果陣都有喊..

家姐同細妹喺庭出面..所以唔知咩事..

苑苑由監倉放番出黎既果一刻..我真係攬住佢唔放..我好驚佢又要番入去..我好驚佢以後都要受苦..我唔想比佢地再搶走苑苑..

直到而家..雖然軍爺同苑苑都有嗌交..但係軍爺都知道苑苑之前受左咁多苦..每次鬧完交都會氹番苑苑..真係好喇..

岩岩軍爺都同我地3姐妹講..一陣媽咪放工番黎我地一齊講對唔住啦..我即刻應佢話都唔關我地事做咩要我地講..

軍爺即話叫我地幫下手唔係到時離婚你地盞唔開心..咁樣逼我地都有架-,-算啦應承佢拉-\/-

今日係咁多`收線先;>