大家都認為入o左一個好班就係好,但係對我不嬲係差班o既人就好唔同。

入慣差班o既人就係懶懶閒閒,係屋企唔係打機就係訓教。但入慣好班既人成日都好勤力,所以成績好。如果差人入o左好班有咩影響?就係一定比以前差。以前我係差班就係排頭五名,但依家係好班就係尾三。感覺就係好恐怖,好得人驚,感覺好唔慣。

當然,係好班係威d,但要全新識過d朋友,而且識過d都係叻人,根本就冇我既立足之處,個個都睇唔起我。

係差班既人通常都唔會比人注視,比d差人得過且過。但係好班就好唔同,係會比人注視,唔可以馬馬虎虎,一樣唔好既事就要全新做過,做唔完就要留堂做。而且好班既功課好多,對一個係好班慣o既人當然唔算得係咩啦,但對一個係差班慣o既人,而且又日日做一d容易又少既功課,根本就係一件好難既任務。

以前係差班果陣,我一做完功課係會打機,約朋友踢波,日日就係玩完就訓,訓完就番學,番學等放學,放學去飲可樂,飲完等放假。依家,做完功課就溫習,約人去圖書館做功課,日日就係度溫習,根本冇得休息同打機。

大家都認為入左好班督會好開心,但係壓力仲大,而我依家雖然慣左,但我都唔想仲係好班,所以大家有冇d好辦法可以幫我令依個o既諗法改變呢?