星期一
今日考英文哦∼簡單得很呢∼呵呵呵呵〞
口語同小受鋒鋒、全記一組，
我地勁後先考，跟住就同企鵝慧、肥區猜包剪泵，
輸左個兩個要ｋｉｓｓ啦，
第一次輸ｋｉｓｓ面，
第二次輸ｋｉｓｓ嘴，
第三次輸要ｋｉｓｓ嘴+影埋相，
我同企鵝輸左一次，
小受鋒同肥區輸左兩次，點知佢地唔認數！
跟住個布歐話放學先講，
點知放學佢已經唔見左人．．．懶皮怪．．
死小受鋒．．．．唔肯ｋｉｓｓ．．
番到屋企打機－３－我個陣仲未有溫書既意識．．
陳錦儀好鬼早就打俾我（打俾世祺呀下次），
唔洗講都係問數學．．．
教佢教到夜晚１０點幾，用左我勁多既時間，
雖然都有溫到書－３－
星期二
今日考數學，頂．．．．．．易到佢丫，
我溫左好多勁難既數，點知佢出ｄ超白痴既題目，
好無奈囉．．．．．．．．．．．．．
轉堂個陣又同個小受鋒打，
佢成日都唔肯屈服承應自己係小受，
當然最後打贏既係我啦∼哈哈哈哈=.="
下晝東仔約左我出去「溫書」，
好一個溫書．．．我地其實係去左打波－３－＋
夜晚７點幾同豆包恩溫書溫到１０點幾，
佢成日係度扮豬食老虎，扮唔識。﹏。
星期三
今日考化學同歷史，我覺得好難．．．．
因為好多都唔係出我溫左個ｄ．．．
轉堂個陣又係差唔多啦．．．
不過．．赤西仁好似同肥姜復合了∼？
見佢地有講有笑咁∼應該已經冇事啦吧？
咁就好啦∼，下年大家又要讀埋同一班。
而且佢地之前咁ｆｄ∼唔會唔習慣冇左個人係身邊既咩？
（題外話：其實我覺得佢地兩個好襯－３－）
下晝同東仔、陸和去左溫書（名義上係咁講）
我地係ｍ記見到文文、誠誠、源源同心怡個堆人，
同佢地玩左一陣之後佢地走左，
文文仲得到一個新花名『囡囡』。
之後見到杰杰，就再打俾細祺，
佢地話係上面「溫書」喎．．．．．．．．
我地上到去個陣，佢地係度玩〔誠實與大膽〕－３－
玩到５點幾我走左，佢地之後話５點４５開始有溫。
番到屋企打左陣機（唉．．都唔知自己係咪考緊試．．）
夜晚又同豆包恩溫書，佢又再次扮豬食老虎。
星期四
今日．．．唉．．考中史同地理．．．
難到媽媽都唔認得．．好大既一次打擊。
放學個陣同小受鋒倍東仔行去佢屋企，
小受鋒好少係呢ｄ時間出現同我地一齊．．
後尾出黎溫書，小受鋒都黎埋（超罕見），
不過﹏﹏今次又唔係溫書的．．．．．．．．
之後東仔話去買野食，我就諗住乘機走佬啦－３－
點知東仔拉住我．．．．．．．．．．．．
我就同小受鋒講左，之後諗住一齊走佬，
岩岩好個陣隔離有駕車，超勁臭，
我地兩個係咁走係咁走，跟住我就同小受鋒講乘機走佬，
點知東仔都跟埋黎－３－
之後我地三個一路行一路傾，
唔記得傾左ｄ咩話題，
跟住我問小受鋒：如果布歐同我兩個揀，你都會揀布歐啦∼
點知佢話：唔係，我會揀你。因為你「起碼」係男仔。
我覺得佢幾識講野∼我相信係布歐問既話佢會答揀布歐。
ｏｋ啦個性格∼就係唔夠壞－３－。
之後諗住上去景乜差咩會個度溫書，
上到去，唔知做咩，肥姜叫我地周圍遊蕩下先，
都痴線既．．後尾高岱到，
個陣超有大佬ｆｅｅｌ囉－３－
後尾我地抱住捉姦在床既心情去踩場，
點知入到去．．．原來只係整頭．．
車∼懶神秘．．又唔係未見過你個柒頭．．．
後尾都冇溫書，係度聽歌同整頭。
夜晚又同豆包溫書，之後陳錦儀打埋黎，
３ｌｉｎｅ一齊傾。
|
