終於都返黎啦,玩左咁多日都好開心,但係好辛苦,因為朝朝都要五六點起身,行程都幾緊密下,依加等我講下我尼幾日去左邊度玩啦!!!!
第一日去到機場同領隊集合(個領隊勁似陳冠希 ),跟住坐左兩個鐘頭飛機,架飛機好細,同我平時系電視睇到ge好大分別.落左機之後
攞行李,點知少左一件,真係慘,不過最後都搵返,然之後再同導遊集合,坐車前往曼谷市,去到四面神戈度拜拜,d煙焗到我抖唔到氣 ,
又多人喎,所以求其拜下就算,拜完之後我地去中央商場行下,個商場超大,起馬有五六個八佰伴.行到六點鐘去食飯,原來係吃泰式火煱
不過唔係咁好吃,可能係唔岩我口味掛.吃完之後返酒店休息,第二日六點半被人叫醒左(洗唔洗咁早呀)真係好想打佢一身 ,原來今日
要去芭提雅,吃完早餐之後坐左兩個鐘車去到夢幻樂園,戈度唔算大,但係d機動遊戲好普通,無咩刺激,而且玩唔晒就走左,只能怪時間
少了.跟住再坐車去寶石廠,戈度有好多唔同ge寶石都係第一次見,不過得個睇字 ,然後去吃飯,今次係冬蔭功,覺得好難飲,又酸又辣
好似變左質咁,吃完飯行出街見到一班人妖表演,除左把聲之外同女人無咩分別,但係d妝化到超厚=.=,最後返酒店休息.第三日又係六點
半起身,去沙灘坐快艇到珊瑚島,途經一個浮台,原來係玩空中飛人,咁好ge野唔玩對唔住自己啦,工作人員幫我綁好安全帶之後就起飛啦,
有條繩連住一架快艇,上面係降落傘,上到去有小小驚,但係好好玩,玩左大約十分鐘之後落返黎,跟住繼續前往珊瑚島.去到之後個海灘超
靚,d水清到見底,同黑沙比真係小巫見大巫,換完衫之後落水玩,d水好鹹,明白點解人地要用海水制鹽,玩左大概十二點幾再去吃飯,同上
次差唔多咁難吃>~<,吃完再坐快艇返去芭提雅再坐車去睇魔術表演,雖然睇左好多次,但係今次有好多未見過,睇完已經六點幾啦,跟住
去吃海鮮餐,今次比較好吃d,但係吃唔晒,吃完返酒店啦!!!
第四日七點起左身,執好野之後出發返去曼谷,途中去到動物園參觀,仲有得喂長頸鹿同大象添,之後去睇動物表演,有好多未見過ge動
物,不過唔知佢地ge名,離開動物園訓左一陣間去到一間餐廳吃中午飯,今次係吃中餐,覺得今次係最好味,吃完返到曼谷市,去到一個商
場ge水族館睇下,入面有好多未見過ge海洋生物,但係由於無中文介紹所以唔知叫咩名.六點鐘去一間酒店吃飯,戈晚住五星級酒店
都幾靚下,但係一返到去就沖涼刷牙訓教,無時間周圍睇下,因為第二朝要四點起身,搭七點半班機,真係救命呀,係飛機上面訓左一陣
返到澳門已經十點幾,下午仲要返學添.今次我無影相,因為部相機壞左.
打完啦,係咁先!!!!
|
