早排我地買左架新車,
比第一架細D,
只係一架五人車。
但係我都唔明買架新車做乜!
要用果陣又用唔到,
一個星期只有兩日用得著...
講埋D咩藉口,
自欺欺人!
我地最需要用車就係星期二四六,
咁星期二阿媽就車得細佬妹去中文班,
但星期四同星期六又要出去幫手,
最需要用果陣又無用,
咁SIDE錢買架車做乜呢...
又話咩星期一至三可以出去食下午茶,
大佬呀,放學又三點幾啦做有咩精神去食呀?
搞到我星期四要一個人黑媽媽行返屋企;
星期六又要搭車去上堂...
我就唔係好明點解唔星期一至三出去幫手,
星期四至六留喺屋企啦...

平時都係朋友個媽咪車我去上星期六中文班既,
其實要人地個個星期都接送我自己都覺得好唔好意思...
難得人地唔介意...
今個星期人地唔得閒,
咁我就要跟你地車早成9個字返學,
放學又要自己行成20分鐘去車站搭車返屋企。
明知我係"杞人憂天症候群"架嘛...
我又驚行去車站同等車果陣比熟人見到;
又驚搭巴士果陣唔知幾時入飛...
心理壓力好大架!

呢幾日唔知點解超級情緒化囉!
可能係唔夠訓啦,
成日都好想發脾氣,
講多兩句委屈得濟又想喊...
好憎咁樣既自己!

講埋零用錢,
人地F每個月呀媽都比成CA40蚊佢,
生日仲要名爸比100阿媽比50;
阿J個管家公老豆都比CA20蚊佢啦!
人地出街仲有比錢佢添...
我呢?
一個月得果CA10蚊,
食餐飯之後都無左啦!
行街睇戲又無SPONSOR...
好難怪我阿妹私己多過我架喎...
好彩頭先岩岩提起阿爸都有比我。

有時候我覺得阿爸比阿媽仲緊張我地囉!
唔好以自己要做野為藉口啦,
人地老豆要去DOWNTOWN做野返到黎咪又搵我地傾吓計,
我地有PROBLEM佢就幫我地搵SOLUTION。
你呢?
WORK AT HOME咋!
D家務阿婆都幫你做曬啦,
除左對住部電腦你仲有做D乜?
難怪CANDY姨都覺得我阿媽無乜點理我...

有個地方寫曬D想法出黎舒發吓都好D...
雖然E+仲係擔心緊聽日...