今日係１２月２４號平安夜，不過因為禽日打波搞到今日條腰好鬼痛，所以冇出到街．．．

講下前日ｄ野先，前日２２號係晶晶同何麗珊ｇａ生日，但係晶晶要夜晚先得閒．．．

所以我，慧慧，呀ｙｕ，郭珊珊同何麗珊約ｏ左一齊食晏就，我地約ｏ左１２點係餐廳門口等．．．

點知我同慧慧等ｏ左半個幾鐘都未到囉，搞到我同慧慧無聊到玩猜樓梯．．．

食飽之後我地去ｏ左慧慧屋企到玩，我地一路玩啤牌一路睇碟，睇ｏ左鬼魅山房同塚愛．．．

兩套都係恐怖片，不過唔知點解我一ｄ都唔驚ｗｏ，只係覺得好核突，玩到６點幾就走人ｌｕ．．．

郭珊珊約ｏ左人食飯唔同我地食，而我地就接埋晶晶同陸瑩瑩一齊去打邊爐，去ｏ左讌客到打．．．

食到９點幾就埋單，都幾好食呀ｄ野，不過ｄ菊花蜜好難飲囉，同埋ｄ服務態度超差囉，不過買單９０蚊，都算ｏｋ．．．

食飽飽之後去ｏ左公園到玩同影相，有千秋玩呀，卡卡，我地影ｏ左好多相同玩ｏ左好耐，玩到１１點就返屋企ｌｕ．．．

果日真係玩得好開心呀．．．哈哈