禽日終於考完最後一科，果２個星期ｇａ煎熬，日日最多都係訓２個鐘，真係可以令我成仙．．．

好彩我都有ｄ考試運，佢考果ｄ正正係我溫ｏ左果ｄ，不過唔知做得岩唔岩姐．．．

禽日考完之後同ｓａｍｍｙ出ｏ左旺角食野行街，我地去ｏ左新開果間明將到食，果然好食過西九果間．．．

食飽之後去ｏ左朗豪城行一陣，跟住去ｏ左信和到買整蛋糕ｇａ工具同材料，因為ｓａｍｍｙ之前買ｏ左焗爐，所以我地諗住試下整蛋糕．．．

我地買ｏ左整朱古力海綿蛋糕ｇａ粉，仲有一包整麵包ｇａ粉，夾埋其他就買ｏ左１６０幾蚊，買完之後就去ｏ左ｓａｍｍｙ屋企ｌｕ．．．

呢個蛋糕ｇａ做法非常之簡單，只需要將呢包粉同４隻蛋高速地攪拌１２分鐘就可以拎去焗，冇錯，就咁睇個做法係好簡單．．．

不過係攪拌果個過程係非常之痛苦，我地攪ｏ左差唔多一個鐘都仲未起，之後因為太累所以決定拎去焗，焗ｏ左半個鐘之後就食得喇．．．

雖然個樣唔係太令同個底燶ｏ左ｄ之外，其他都好好味，我同ｓａｍｍｙ食ｏ左４份一就出ｏ左街食ｄｉｎｎｅｒ．．．

我地去ｏ左ｆｏｏｄ　ｃｏｕｒｔ到食，食飽飽之後，ｓａｍｍｙ就送我去搭車走人ｌｕ．．．

經過今次焗蛋糕經驗之後，我地考慮緊買唔買電動打蛋器好，不過焗蛋糕真係好好玩呀，哈哈∼∼