終於測曬所有驗喇，前果幾日真係溫書溫到就黎升仙，測完一個驗，抖ｏ左２日又要再黎過，好攞命囉．．．

５科入面最驚ａｕｄｉｔ唔合格，因為果份野我連問題問咩都唔係好知，仲有十幾分冇做到，如果合格ｇａ過就真係要慶祝下．．．

星期一派ｍａｃ，星期四派ｃａ，好期待，ｃａ　ｍｉｓｓ話我地班有５個唔合格，ｐａｓｓｉｎｇ　ｒａｔｅ第２高，希望我唔係５個入面其中一個．．．

今日放ｌｕｎｃｈ果陣同ｓａｍｍｙ去ｏ左ｍｋ食野行街，去ｏ左第尾到鋸扒，我食ｏ左牛柳特餐，有好多野食，好好味，好滿足．．．

之後陪佢去買樽樽，買ｏ左２個１０００ｍｌ　ｇａ大樽樽，總值９６元正，真昂貴，跟住就搭車返去上堂，結果遲ｏ左２個字先到．．．

放ｏ左學之後，去ｏ左ｅｌｅｍｅｎｔ睇戲，睇ｏ左尼古拉斯基治ｇａ”地球毀滅密碼”，４０蚊一張學生飛，個院又大，ｄ椅又舒服，真係好抵．．．

套戲做ｏ左２個鐘，拍得幾好睇，但係睇完個結局之後覺得同之前做ｇａ野完全冇關係，但係尼古拉斯基治真係做得幾好，同埋ｄ鏡頭好震撼．．．

睇完戲之後去ｏ左食飯飯，我地行去大角咀食，但係行ｏ左好耐，行到就黎餓死，去ｏ左台灣餐廳食，我食ｏ左個台式豬頸肉飯，仲有炸雲吞，都幾好食．．．

食飽飽就去ｏ左搭車ｌｕ，返到屋企１０點半，今日好滿足呀，哈哈．．．