今日訓到１１點幾∼龜龜打ｏ左個電話黎嘈醒我∼

佢話１２點幾係我樓下等ｗｏ∼咁我咪起身囉．．．

到ｏ左１２點幾，落到去樓下都未見到個龜殼，咪同老公ｂ傾住電話先囉．．．

傾傾下，龜龜終於黎到，佢話想去唱ｏ左錢先，咪陪佢去搵囉．．．

點知搵ｏ左好耐都未搵到，終於都係要去返大橋果邊果間，一早去果間咪好囉，搞到我餓到就黎暈抵咁制．．．

去到元朗廣場，我地去ｏ左吉吉到食野，一個餐要２５蚊 ，好貴呀，不過等到３點先有下午餐食，我相信到時我已經餓暈ｏ左．．．

食飽飽之後就去ｏ左周圍行．．．原本今日呀ｒｏｎ３點黎元朗廣場ｗｏ，不過好可惜我同龜龜都冇咩興趣．．．

行完元朗廣場，我地去ｏ左嘉城廣場到行，上到去都有唔少舗開ｏ左，不過我覺得好細呀，唔方好行得去邊．．．

ｔｈｅｎ我地再去千色，由最下層行到去最上層，我地仲影ｏ左貼紙相，影ｏ左兩張，一張好睇，一張冇咁好睇．．．

之後我就心痛乎拎ｏ左２百幾黎買ｏ左個姐仔銀包，不過我都好開心ｇａ，有名牌銀包．．．

ｔｈｅｎ行完千色就去ｏ左ｐｅｏｐｌｅ，去完ｐｅｏｐｌｅ就去ｏ左光明書局，去完光明就去直銷中心．．．

跟住就去ｏ左龍華書局，ｔｈｅｎ就去ｏ左好順福同大橋，之後再去行喜利，行完喜行去返元朗廣場果邊買野食．．．

ｔｈｅｎ龜龜話佢想入錢，點知去到中銀部機入唔到，跟住行ｏ左ｎ咁耐先去到第間中銀，點知果部機又係咁．．．

我真係想死，之後去ｏ左西青街果個公園到陪龜龜食野，坐到差唔多６點走人返屋企ｌｕ．．．

今日由１２點幾出街，６點先返屋企，行ｏ左差唔多６粒鍾街，真係成個元朗都俾我行曬，行到我好累．．．

打住咁多先．．．明天再續．．．．